Mataruppskriftir sem gera gott laugardagskvöld enn betra!
Matgæðingar í tbl 38 árið 2020 eru þau Viktor Guðmundsson og Ragna Fanney Gunnarsdóttir. Þau eru búsett á Sauðárkróki og eiga þrjú börn. Viktor er matreiðslumaður á Málmey Sk 1 og sér einnig um eldamennskuna þegar hann er í landi. Ragna er leik- og grunnskólakennari og vinnur í Árskóla. Hún hefur meira gaman af því að gera eftirréttina og sósurnar og reynir að komast af með sem minnsta eldamennsku þegar Viktor er á sjónum.
Grafið ærfille
Þau eru mikið forrétta fólk og er þessi ein af þeirra uppáhalds uppskriftum
Aðferð: Byrjað á að hylja kjötið yfir og undir með grófu salti í u.þ.b. tvo tíma, síðan er saltið skolað af og kjötið þerrað. Næst er kryddblöndunni stráð yfir og undir kjötið, ekki spara kryddið. Látið liggja í kryddblöndunni í u.þ.b. þrjá daga í kæli (fer eftir stærð á kjöti).
Kryddblanda, ætti að duga á 4 fille, sirka:
3 msk. dill
2 msk. sykur
1 tsk. hvítur pipar
1 msk. sinnepsfræ
1 msk. rósapipar
1 msk. öllum þessum kryddum (Basilika, timian, estragon. oregano,steinselja og rósmarín)
Sósa:
150 ml mæjó
40 g sýrður rjómi.
40 g sætt sinnep.
20 g hunang.
1 tsk. dill
Öllu hrært saman.
Borið fram með ristuðu brauði.
Sjúllaður Kjúlli
Þessi kjúklingaréttur er einfaldur og er í miklu uppáhaldi
Þetta er stór uppskrift það má alveg helminga hana
2 kjúklingar (bútað í u.þ.b. átta bita hvor kjúklingur) eða bara nota alls konar tilbúna bita.
Aðferð:
Skref 1
Blanda saman
1/2 stór flaska af tómatsósu
1 1/2 msk. karrý
1 1/2 msk. salt
1/2 tsk. pipar
1/4 tsk. chilli pipar
Sósan borin á kjúklinginn og látin liggja á honum í lágmark þrjá tíma en má liggja á yfir nóttu.
Skref 2
Kjúllinn settur í ofn með marineringunni í 40 mín. á 180°C á blæstri, eiga að verða smá brúnaðir. Tekið úr ofninum og bitunum snúið við og hálfum lítra af rjóma hellt yfir og sett aftur í ofninn í u.þ.b. 15-20 mín. eða þar til bitarnir eru fallegir á litinn (smá brúnaðir). Gott er að hella vökvanum í pott og þykkja aðeins til að fá þykkari sósu og hella aftur yfir en alls ekki nauðsynlegt.
Meðlæti: ferskt salat með fetaosti, hvítlauksbrauð og hrísgrjón.
Buffaló marengsísterta - sirka 12 skammtar
Við gerum þessa ístertu svona spari og er það Ragga sem sér um að gera þessa.
Þetta er uppáhalds eftirrétturinn okkar:
1 stk. marengsbotn (myljið niður) má nota tilbúinn botn
5 stk. egg
4 msk. sykur
5 dl rjómi
200 g KEA vanillu skyr
2 kassar Buffaló bitar eða Rís buff
Aðferð:
Skref 1
Léttþeytið rjómann. Skiljið í sundur eggjahvítur og rauður. Þeytið saman rauður og tvær msk. af sykri.
Blandið varlega saman við léttþeyttan rjómann og vanillu skyrið. Saxið Buffaló bitana (eða Rís buff bitana) og blandið saman við ásamt ½ marengs.
Skref 2
Hreinsið hrærivélaskálina vel og þeytið því næst saman eggjahvíturnar og 2 msk. af sykri.
Hrærið eggjahvítunni varlega saman við rjómablönduna.
Setjið restina af marengsinum í botninn á forminu. Hellið blöndunni í formið og frystið. Við notum kökuform sem hægt er að losa hliðarnar frá. Hellið bræddu súkkulaði yfir tertuna áður en hún er borin fram eða myljið smá súkkulaði yfir hana.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.