Markaleikur á Sauðárkróksvelli
Í gærkvöldi fór fram bráðskemmtilegur leikur Tindastóls og Grindavíkur í Inkasso deild kvenna á Sauðárkróksvelli. Það vantaði svo sannarlega ekki upp á spennuna og mörkin í þessum leik því mörkin voru alls sjö. Fyrir leikinn var Tindastóll í sjötta sæti með níu stig en Grindavík í því fjórða.
Tindastóll byrjaði leikinn af krafti og á 5. mínútu kom fyrsta færi leiksins þegar Laufey Harpa gaf flotta sendingu á Murielle Tiernan sem náði góðu skoti á mark Grindavíkur en Veronica Smeltzer markvörður Grindavíkur varði. Tindastóll fékk fullt af færum í byrjun en það vantað örlítið upp á að ná að pikka boltanum inn. Á 10. mínútu varð Guðrún Jenný fyrir því óláni að gera sjálfsmark. Fimm mínútum síðar fékk Grindavík vítaspyrnu þegar Hrafnhildur fékk boltann í höndina, Shannon Simon tók spyrnuna og skoraði. Staðan 2-0 fyrir Grindavík þvert á móti gangi leiksins. Á 22. mínútu kom fyrirgjöf frá Maríu inn í teiginn þar var Murielle sem fékk boltann og skoraði með góðu skoti. Færin voru fleiri en mörkin ekki staðan 1-2 fyrir Grindavík í hálfleik.
Tindastóll átti seinni hálfleikinn og lágu í færum. Á 75. mínútu kom jöfnunarmarkið sem Tindastóll var að leita að og var það Hrafnhildur Björnsdóttir sem skoraði eftir hornspyrnu frá Jacqueline. Þremur mínútum síðar fékk Murielle sendingu upp vinstri kantinn og fann hún Jacqueline sem var inn í teignum, Jacqueline snéri baki við markið en tók frábæran snúning og skoraði. Eftir þriðja mark Tindastóls virtist vera að stelpurnar hafi misst örlítið einbeitinguna. Þegar fjórar mínútur voru eftir af venjulegum leiktíma fékk Grindavík aukaspyrnu. Shannon Simon tók hana og smurði hún boltanum upp í fjærhornið algjörlega óverjandi skot og staðan 3-3. Á 88. Mínútu kom sigurmarkið í leiknum þegar Tindastóll fékk aukaspyrnu á miðjum velli Jacqueline tók hana og endaði boltinn hjá Bryndísi fyrirliða sem náði fínu skoti sem endaði inni. Lokatölur á Sauðárkróksvelli 4-3 fyrir Tindastól í hreint mögnuðum leik.
Tindastóll er komið upp í þriðja sæti deildarinnar eftir þennan sigur. Það voru ýmsar skoðanir um dómara leiksins í gærkvöldi en það þýðir ekkert að tuða í dómaranum, hann er bara að reyna að gera sitt besta eins og leikmennirnir. Næsti leikur hjá Tindastól er á móti ÍR og er leikurinn á föstudaginn 12. júlí klukkan 19:15 á Sauðárkróksvelli.
/EÍG
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.