Lúða og lamb með súkkulaðimús
Þau Unnur Haraldsdóttir og Magnús Freyr Jónsson á Hvammstanga eru matgæðingar vikunnar að þessu sinni og bjóða upp á lúðuforrétt, indverskt lambakarrý og súkkulaðimús. Allt girnilegir réttir sem gaman væri að prófa.
Lúðuforréttur
- 500 gr. lúða í tengingum
- 6 sítrónur
Sítrónur skornar í sneiðar og lúðuteningum raðað á sneiðarnar – sítrónusneiðar yfir líka. Látið standa í ca 6 klst.
- 1 stk laukur
- 1 tsk Oregon
- 2-4 tómatar
- 1 paprika
- ½ tsk salt
- ½ tsk pipar
- ¼ bolli ólífuolía
- 1 lítil krukka sweet pickles, saxað smátt
- ½ tsk sykur
- 2-3 dropar Tabasco
- 10 svartar ólífur
Brytjað smátt og blandað saman – látið standa í ca 1 klst. Fiskurinn tekinn úr sítrónu og blandað saman við – látið bíða í 1-2 klst. Borðað með ristuðu brauði.
Aðalréttur
- Indverskt lambakarrý
- 1 lambalæri skorið í smá bita
- 2 tsk karrý
- 2 tsk cumin (ekki kúmen)
- 5 st cardamome
- 1 laukur smátt skorin
- ¼ rjómi
- Salt og pipar
Aðferð:
Brúnið kjötið með lauknum hellið ¼ lítra vatn út á og látið sjóða í 12 mín. Setjið krydd saman við og rjóma og látið sjóða þar til þykknar.
Meðlæti:
Hrísgrjón og ferskt salat og nanbrauð
Eftirréttur – einföld súkkulaðimús
- 4 dl rjómi
- 300 gr. suðusúkkulaði
- 100 gr. sykur
- 4 stk.egg
Hitið 2 dl af rjóma að suðu og hellið yfir saxaða súkkulaðið. Þeytið egg og sykur saman. Þeytið 2 dl rjóma, blandið eggja- og sykurhræru saman við rjómann og hrærið þessu síðan mjög varlega saman við svo súkkulaðiblönduna. Setjið í glös eða skál og kælið í ca 3 klst.
Verði ykkur að góðu!
(Áður birt í Feyki 2010)
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.