Lögregla og björgunarsveit leituðu drukkins manns á Þverárfjalli
Ævintýraleg atburðarás þar sem aðalleikararnir voru drukkinn ökumaður, lögreglan á Blönduósi, Sauðárkróki, Siglufirði og Ólafsfirði auk björgunarsveitar endaði með því að ökumaðurinn fannst ofurölvi úti í móa við Þverárfjallsveg seinni partinn í gær.
Málið byrjaði þannig að Blönduóslögreglan fékk ábendingu um drukkinn ökumann sem hún og stöðvaði við Blönduós. Þar fer málið í ferli, maður og bíll kyrrsettir þar til allsgáður kunningi mannsins kemur og leysir hann út. Ekki vill þó betur til að hinn allsgáði félagi afhendir hinum drukkna félaga sínum lyklana á bílnum og hinn drukkni, ökuréttindalausi maður heldur áfram för sinni og nú lá leiðin á Þverárfjalli. -Við fengum ábendingu um manninn og ræstum um leið út tvo bíla, annar fór á Vatnsskarð og hinn Þverárfjall. Á Þverárfjalli mætum við manninum við Heiði. Blikkuðum hann og snúum við til þess að stöðva manninn. Þegar við höfum snúið við hafði maðurinn sett allt í botn og var horfinn. Við vissum að hann væri á leið austur yfir og ræstum út bæði lögreglu á Siglufirði og Ólafsfirði, segir Stefán Vagn Stefánsson, yfirlögregluþjónn á Sauðárkróki. Eftir töluverðan tíma án þess að bólaði á manninum náði lögregla að hringja í farsíma mannsins og náðu þannig að sjá hvaða sendi maðurinn var að nota og sáu að hann hafði að líkindum ekki farið í gegnum Krókinn. -Þá kom í ljós að maðurinn hafði náð að stingja sér inn á afleggjarann á Tungu og var kominn út úr bílnum. Var maðurinn í miklu ójafnvægi og hafði í hótunum um að binda endi á líf sitt. Þar sem það var að skella á með myrkri og kalt veður úti kölluðum við strax á björgunarsveit. Maðurinn fannst skömmu síðar þar sem hann lá kaldur og hrakinn um 800 metra frá bílnum. Maðurinn var tekinn á stöðina þar sem tekin var af honum skýrsla en að því loknu var honum ekið í öruggt skjól, bætir Stefán við.
Þess ber að geta að það voru athuglir vegfarendur sem upphaflega bentu lögreglunni á Blönduósi að um ölvunarakstur var að ræða.
Fleiri fréttir
-
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornfið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira -
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.