Liðin skiptu með sér stigunum í kuldabolanum á Króknum
Tindastóll og Keflavík mættust í kvöld í fyrstu umferð Bestu deildarinnar. Það var ískalt á Króknum og nokkur norðanvindur og hjálpaði það ekki liðunum við að spila góðan bolta. Bæði lið fengu færi til að skora í leiknum en í heildina var fátt um fína drætti, oftar en ekki klikkaði úrslitasendingin eða vantaði upp á hlaup í svæðin en bæði lið mega vera ánægð með varnarleik sinn. Það voru því ekki mörkin sem yljuðu áhorfendum í þetta skiptið. Lokatölur 0-0.
Lið Keflavíkur var ívið sterkara framan af og gekk betur að halda boltanum og var sterkara inni á miðjunni. Fyrsta snerting hjá Stólastúlkum var slæm framan af og virkaði stundum eins og stelpurnar væru óþarflega stressaðar. Í þau skipti sem lið Tindastóls náði að skapa sér vænlega sóknarstöðu misstu þær ýmist boltann frá sér eða sendingar voru slæmar. Þetta átti nú allt eftir að lagast en einkenndi fyrstu 25 mínútur leiksins. Hugrún fékk besta færi Tindastóls en skaut yfir eftir um stundarfjórðungsleik en lið Keflavíkur átti nokkrar ágætar skottilraunir af nokkru færi en fengu dauðafæri rétt fyrir hlé þegar leikmaður þeirra fékk boltann dauðafrí rétt utan markteigs en negldi yfir.
Fátt fallegt gerðist fyrri hluta síðari hálfleiks en síðustu 20 mínúturnar náðu heimastúlkur einhverjum völdum á miðjunni og þar var Hannah Cade í essinu sínu, leit helst út fyrir að hún væri nýkomin inn á meðan allir í kringum hana voru farnir að þreytast. Þetta varð til þess að fleiri sóknarleiðir opnuðust og Murr komst því betur í takt við leikinn. Hún náði frábærum snúningi þegar um stundarfjórðungur var eftir og náði góðu skoti sem smaug rétt framhjá stönginni. Það fór því svo að liðin náðu ekki að finna þá gæðabolta sem þurfti til að skapa mörk og skiptu því stigunum á milli sín.
Það var mikilvægt upplegg og mjög vel gert hjá gestunum að þeir gáfu liði Tindastóls ekki færi á að beita sínum skörpustu vopnum; hornspyrnum og aukaspyrnum. Stólastúlkur fengu sennilega ekki eina hornspyrnu í leiknum og aukaspyrnur inni á vallarhelmingi gestanna voru sárafáar. Varnarleikur beggja liða var sem fyrr segir til fyrirmyndar en meira mæddi á vörn Tindastóls en þær voru gríðarsterkar og Keflvíkingar höfðu oftast ekki erindi sem erfiði í stöðunni einn á móti einum. Niðurstaðan því að bæði lið eru komin á blað en þurfa að skerpa á sóknarleiknum í framhaldinu.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.