Lið Ármanns hafði sigur í Síkinu
Síðasti heimaleikur Stólastúlkna í 1. deild kvenna fór fram í kvöld en þá kom lið Ármanns í heimsókn. Leikurinn var jafn lengstum en slök hittni Tindastóls í fjórða leikhluta vóg ansi þungt í lokin þrátt fyrir ágætan varnarleik. Það fór svo að gestirnir að sunnan tóku stigin tvö og unnu, 61-70.
Leikurinn var líflegur í fyrsta leikhluta og liðin skiptust á um að hafa forystuna. Það var þó lið Tindastóls sem hafði yfirhöndina, 18-14, að honum loknum. Gestirnir gerðu fyrstu sex stigin í öðrum leikhluta og þær náðu síðan góðum kafla og eftir þrist frá Jónínu Þórdísi, sem áttu stórleik í kvöld, var munurinn orðinn sjö stig, 24-31. Stólastúlkur klóruðu í bakkann og staðan í hálfleik 31-33.
Lið Ármanns hafði frumkvæðið framan af þriðja leikhluta en körfur frá Evu Wium minnkuðu muninn í tvö stig áður en Katrín Eva jafnaði leikinn, 41-41. Jónina gerði næstu fjögur stig fyrir Ármann en Eva jafnaði á ný, 45-45. Gestunum gekk betur að skora undir lok leikhlutans og munaði þar mestu um flautuþrist frá Viktoríu Líf og lið Ármanns hóf því leik í fjórða leikhluta með fimm stiga forystu, staðan 49-54.
Sannarlega ekki mikill munur en þegar ekkert gengur að skora þá munar um fimm stigin. Þegar fjórar mínútur voru liðnar hafði lið Tindastóls gert tvö stig en gestirnir fimm og munurinn átta stig. Urmull skota fór forgörðum og sérstaklega blæddi undan vítaskotum Stólastúlkna sem fóru í súginn. Það vantaði hins vegar ekkert upp á baráttuna og fráköst Ingu Sólveigar og varin skot gáfu Stólastúlkum von. Bæði Berglind og Inga voru í villuvandræðum og urðu að yfirgefa völlinn áður en yfir lauk. Eva Wium minnkaði muninn í þrjú stig, 61-64, þegar hálf mínúta var eftir en Jónína setti tvö víti niður fyrir gestina þegar 11 sekúndur voru eftir og heimastúlkum tókst ekki að svara – fengu aftur á móti á sig fjögur stig á síðustu sekúndu leiksins og svekkelsis tap því staðreynd.
Jónína Þórdís gerði 31 stig fyrir Ármann í kvöld, tók 11 fráköst og dró vagninn yfir línuna. Í liði Tindastóls var Eva Wium stigahæst með 21 stig, Marín Lind gerði 14 og Berglind 10. Inga Sólveig skaut boltanum lítið en hún hirti 17 fráköst og varði fimm skot. Liðin gerðu nákvæmlega jafnmargar körfur utan af velli, 15 tveggja stiga körfur og sex þriggja stiga körfur í 24 tilraunum. Það var boðið upp á mikið villupartý í kvöld en liðin tóku 66 vítaskot, þar af fengu gestirnir 39 og þó hittni beggja úr vítum hafi verið slök þá settu gestirnir niður níu fleiri víti en lið Tindastóls og það var munurinn á liðunum í leikslok.
Fjögur lið eru nú jöfn í 4.-7. sæti í 1. deild kvenna þegar ein umferð er eftir. Lið Tindastóls mæti Fjölni b í Grafarvogi í síðustu umferð og þá ræðst hvaða lið mætast í úrslitakeppninni.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.