Leikur margra mistaka en sigur þó staðreynd
Tindastóll fékk lið Breiðabliks í heimsókn í Síkið í kvöld og fjölmenntu stuðningsmenn Stólanna á leikinn. Tindastólsmenn náðu fljótlega frumkvæðinu í leiknum en Blikar voru baráttuglaðir og hleyptu heimamönnum ekki of langt framúr. Staðan í hálfleik var 35-27, allt var í járnum í þriðja leikhluta en Stólarnir spiluðu góða vörn í fjórða leikhluta og náðu að laga hittnina og komust mest í 15 stiga forystu. Lokatölur 66-52.
Leikurinn fór ágætlega af stað, bæði lið settu niður 3ja stiga skot en leikklukkan var ekki í miklu stuði og neitaði að gefa upplýsingar um allt nema tímann. Áhorfendur urðu því að hafa sig alla við í upphafi til að reyna að átta sig á stöðunni í leiknum, enda erfiðara að leggja saman í körfunni en fótboltanum. En hvað um það, Stólarnir sigu framúr og höfðu yfir 22-16 eftir fyrsta leikhluta og var Svavar drjúgur í skorinu. Annar leikhluti hófst og klukkan komst í lag. Nú fóru liðin að gera sig sek um að missa boltann trekk í trekk, sendingar voru ónákvæmar og skot geiguðu. Daanish fór að láta meir að sér kveða en hann náði aðeins einu stigi í fyrsta fjórðungi og skotin hjá honum skoppuðu af körfuhringnum. Hann var hins vegar duglegur og stóð sig með ágætum í vörninni. Staðan í hálfleik 35-27.
Tindastólsmönnum gekk afleitlega að finna körfu Blika í upphafi þriðja leikhluta. Raunar settu þeir tvö stig fljótlega en síðan vart söguna meir fyrr en langt var liðið á leikhlutann. Sem betur fer var varnarleikurinn í fínu lagi og Blikum gekk lítið skárr að skora. Þeir minnkuðu muninn í 37-34 og þá loksins hljóp Stólum kapp í kinn og þeir náðu að nýju 8 stiga forystu fyrir síðasta leikhluta. Bæði lið gerðu 9 stig í þriðja leikhluta og heldur betur annar leikur í gangi en þegar KR-ingar voru í heimsókn á dögunum en þá skoruðu menn bara að gamni sínu.
Stólarnir stigu síðan upp í fjórða leikhluta, vörnin small saman og þegar munurinn var orðinn 15 stig og ljóst var að sigur var í sjónmáli kom meiri hraði í leikinn. Blikarnir náðu að klóra muninn niður í 9 stig en nokkur ágæt sóknarfráköst og stig í kjölfarið tryggðu forystuna og Tindastólsmenn gátu kátir fagnað fyrsta sigrinum í Iceland Express deildinni í vetur. Lokatölur sem fyrr segir 66-52.
Fyrir Tindastólsmenn var sigur alveg bráðnauðsynlegur. Leikmenn hafa oft spilað betur í sókninni en baráttan var til staðar í vörninni og ekki kæmi á óvart að nokkrir tilburðir í varnarleik Helga Rafns hafi komið fram á jarðskjálftamælum. Daanish var stigahæstur Tindastólsmanna, setti niður 20 stig og þar af 6 af átta tilraunum af vítalínunni. Hann náði einni troðslu með öllu og var kampakátur. Svavar setti niður 16 stig og hirti 8 fráköst en Helgi Rafn sleit niður 12 bolta. Í liði gestanna var það helst Davis sem sýndi takta en Stólarnir gerðu honum erfitt um vik í síðari hálfleik og öðrum leikmönnum gekk illa taka við keflinu. Góður sigur Tindastólsmanna því staðreynd.
Stig Tindastóls: Daanish 20, Svavar 16, Giovacchini 10, Helgi Rafn 6, Axel 5, Rikki 4, Sveinbjörn 3 og Sigmar 2.
Fleiri fréttir
-
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira -
Ísmót á Svínavatni
feykir.is Austur-Húnavatnssýsla, Lokað efni 14.03.2025 kl. 09.45Til stendur að halda Ísmót á Svínavatni laugardaginn 22. mars eða sunnudaginn 23. mars það getur verið áskorun á Íslandi að ákveða dagsetningu fyrir þessa tegund af móti því þetta verður ekki gert nema veður, ís og önnur skilyrði reynast í lagi.Meira -
Stærsta gjöf í sögu Skagfirðingasveitar | Hafdís Einarsdóttir skrifar
feykir.is Skagafjörður, Aðsendar greinar 14.03.2025 kl. 09.30Á laugardaginn fáum við í Skagfirðingasveit rausnarlegustu gjöf í sögu björgunarsveitarinnar afhenta. Flestir hér í Skagafirði þekkja væntanlega raunasöguna um það hvernig nýjum og fullkomnum björgunarbáti sem við höfðum keypt og greitt fyrir var að stórum hluta til beinlínis stolið af okkur. Báturinn var því aldrei smíðaður og hátt í tíu milljónir króna sem við höfðum safnað fóru í súginn. Færri vita e.t.v. að FISK Seafood, sem styrkt hafði kaupin með umtalsverðum hætti ákvað að bæta okkur skaðann með því að fjármagna að fullu nýjan og jafnvel enn fullkomnari björgunarbát. Andvirði bátsins, sem hlotið hefur nafnið Aldan, er um 20 milljónir króna og þarf kannski ekki að taka það fram að þessi gjöf er sú langstærsta sem Skagfirðingasveit hefur nokkru sinni veitt viðtöku.Meira -
Ákveðið að selja skrifstofuhúsnæði sveitarfélagsins við Faxatorg
feykir.is Skagafjörður, Lokað efni 14.03.2025 kl. 08.09Á fundi sveitarstjórnar Skagafjarðar þann 12. mars sl. var samþykkt samhljóða að selja skrifstofuhúsnæði í eigu sveitarfélagsins við Faxatorg á Sauðárkróki. Feykir spurði Einar E. Einarsson (B), forseta sveitarstjórnar, út í ástæður þess að Skagafjörður leitast nú við að selja eigninaMeira -
Þriðja mótið í Skagfirsku mótaröðinni framundan
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 13.03.2025 kl. 15.30Þriðja mótið í Skagfirsku mótaröðinni verður haldið í Svaðastaðahöllinni 22.mars næstkomandi kl 10:00. Keppt verður í Tölti og skeiði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.