Leiðbeinanda vikið frá störfum eftir að 30 börn máttu þola ofbeldi í skólabúðum
Á síðasta ári tók Ungmennafélag Íslands við rekstri Skólabúðanna á Reykjum í Hrútafirði. Á heimasíðu UMFÍ segir að í búðunum fái „...nemendur tækifæri til þess að efla leiðtogahæfni og sjálfsmynd sína og vinna með styrkleika og veikleika til þess að bæta félagsfærni sína.“ Nú fyrir helgi sagði RÚV frá því að hópur tólf til þrettán ára nemenda hafi þurft að þola ofbeldi í búðunum í síðustu viku og hafi leiðbeinanda í framhaldinu verið sagt upp störfum og börnunum boðin sálræn aðstoð.
„Um miðja síðustu viku voru þrjátíu börn úr sjöunda bekk í skóla í Kópavogi í kennslustund í Skólabúðum Ungmennafélags Íslands að Reykjum í Hrútafirði. Þar átti að valdefla börnin en börnin voru í uppnámi eftir kennslustundina. Í bréfi sem Kópavogsbær sendi foreldrum segir að starfsmaður búðanna hafi rætt við nemendur á óviðeigandi hátt og sýnt af sér óviðunandi framkomu,“ segir í frétt á Rúv.is. Leiðbeinandinn hafði, eftir því sem fram hefur komið í fréttum, m.a. kennt börnunum aðferðir við að taka eigið líf. Í tilkynningu á vef UMFÍ segir að samkvæmt þeim upplýsingum sem nú liggja [fyrir] er ljóst að það sem fram fór var ekki í samræmi við kennsluáætlun eða þær áherslur sem ungmennafélagshreyfingin hefur að leiðarljósi í sínu starfi.“
Tilkynningin á vef UMFÍ er á þessa leið: „Í síðustu viku kom upp atvik í kennslustund í Skólabúðunum í Reykjaskóla þar sem nemendur í 7. bekk dvöldu.
UMFÍ hefur í samráði við skólann sem um ræðir unnið að því að draga fram skýra mynd af því sem átti sér stað í kennslustundinni. Af þeim upplýsingum sem nú liggja er ljóst að það sem fram fór var ekki í samræmi við kennsluáætlun eða þær áherslur sem ungmennafélagshreyfingin hefur að leiðarljósi í sínu starfi.
Í framhaldi af samtölum við kennara í umræddum skóla var rætt við leiðbeinandann og í kjölfarið var viðbragðsáætlun virkjuð. UMFÍ vinnur málið eftir samræmdum verkferlum samskiptaráðgjafa í íþrótta- og æskulýðsstarfi. Í samræmi við áætlunina var viðkomandi leiðbeinandi látinn yfirgefa svæðið og hefur hann látið af störfum hjá Skólabúðum UMFÍ.
UMFÍ hefur verið í samskiptum við skólastjórnendur og viðkomandi sveitarfélög og unnið málið með þeim áfram.“
Framkvæmdastjóri UMFÍ, Auður Inga Þorsteinsdóttir, sagði í fréttatíma Sjónvarps í gær, að málið væri félaginu þungbært og rýri traust til UMFÍ.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.