Lambakjöt í aðalrétt og eftirrétturinn góð tilbreyting

feykir.is Í matinn er þetta helst 19.02.2012 kl. 08.47

Það voru sauðfjárbændur á Ytra-Hóli I í Skagabyggð sem buðu upp á ljúffengar uppskriftir í Feyki fyrir þremur árum.  Auk þess að vera bændur hafa þau hjón annan starfa utan búsins en Björn Björnsson er kjötmatsmaður hjá SAH Afurðum á Blönduósi og Dagný Rósa Úlfarsdóttir er kennari í Höfðaskóla á Skagaströnd.

Aðalréttur:

Fyllt lambalæri

  • 1 meðalstórt lambalæri, úrbeinað
  • 4 meðalstórir sveppir, smátt skornir
  • 5 cm blaðlaukur, smátt skorinn
  • 1 msk olía
  • ½ dl þurrkuð epli, söxuð
  • ½ piparostur í litlum bitum
  • 3 msk rjómaostur með pipar
  • salt eftir smekk
  • piparblanda eftir smekk

 

Steikið sveppina og blaðlaukinn í olíu á pönnu og blandið eplum saman við. Passið að steikja ekki of lengi. Saltið og setjið ostana saman við og hitið án þess þó að bræða piparostinn. Smyrjið fyllingunni inní lærið, rúllið því þétt upp og bindið helst saman þannig að osturinn geti ekki lekið út. Kryddið lærið með salti og piparblöndu. Steikið í ofni við 170°C í 1-1½ klst., allt eftir því hvernig þið viljið hafa kjötið steikt. Berið fram með góðu salati, bökuðum kartöflubátum og piparsósu.

Bakaðir kartöflubátar

  • 1 kg kartöflur, skornar í báta og mega vera með hýði
  • 2-3 msk olía
  • 1 msk rósmarín
  • 1 tsk svartur grófur pipar
  • 1 msk sjávarsalt

 

Kartöflurnar skornar í báta og settar í eldfast mót.  Olíunni og kryddinu hellt yfir og  kartöflunum velt upp úr blöndunni, þannig að krydd og olía sé á öllum bátunum. Steikt í ofni við 170°C í 40-50 mín., fer allt eftir stærð bátanna.

Piparsósa

  • ½ piparostur
  • 1 dós rjómaostur með pipar
  • 1 peli kaffirjómi
  • mjólk eftir smekk

 

Bræðið ostana í rjómanum og þynnið með mjólk eftir smekk.

Eftirréttur:
Fylltar pönnukökur með súkkulaðisósu

  • Pönnukökur (um 10 stk.):
  • 150 g hveiti
  • 1 egg
  • ca. 3 dl mjólk
  • ½ msk smjör, brætt
  • ½ tsk lyftiduft
  • ½ msk sykur
  • ½ tsk vanilludropar

 

Setjið allt nema smjörið og mjólkina í skál. Helmingnum af mjólkinni hellt saman við og unnið þar til kekkjalaust, þá er afganginum af mjólkinni blandað rólega saman við og að síðustu er brædda smjörinu hellt út í.  Steikið venjulegar pönnukökur og kælið þær.

Fylling í pönnukökurnar:

  • 1 peli þeyttur rjómi
  • 1 askja jarðarber
  • 1 askja hindber
  • 1 dl bláber
  • ½ marengsbotn, mulinn eða ½ -1 poki Nóakropp.

 

Öllu í fyllinguna blandað saman og sett inn í kaldar pönnukökurnar. Látið standa í 1-2 klst.

Sósa:

  • 100 g 70% súkkulaði
  • 1 dl rjómi

 

Súkkulaðið og rjóminn sett í pott og brætt saman við vægan hita. Berið fram með pönnukökunum.

------

Þessar bananakökur eru mjög vinsælar hjá fjölskyldunni og henta einstaklega vel þegar til eru bananar sem eru of brúnir til að hægt sé að borða þá.

Bananamuffins

  • 4 vel þroskaðir bananar (helst mjög brúnir)
  • 250 g hveiti
  • 1 ½ tsk lyftiduft
  • ¼ tsk salt
  • 75 g súkkulaðibitar
  • 1 dl olía
  • 150 g púðursykur
  • 2 egg
  • 1 tsk vanilludropar

 

Aðferð:
Bananar stappaðir mjög vel og öllu blandað saman í skál og hrært saman með sleif. Sett í stór muffinsform  og bakað við 200°C í 20-25 mínútur. Að lokum er svo uppskrift af hafraklöttum sem henta mjög vel með kaffibollanum.

Hafraklattar

  • 110 g smjörlíki, lint
  • 110 g hrásykur
  • 160 g hveiti
  • 150 g gróft haframjöl
  • 100 g súkkulaðibitar
  • 1 egg
  • ½ tsk vanilludropar
  • örlítið salt
  • ½ tsk lyftiduft
  • ½ tsk natron

 

Allt sett í hrærivélaskál og hnoðað saman.  Búnar til litlar kúlur og þrýst fast á plötu. Bakað á 180°C með blæstri í um 15 mínútur.

Verði ykkur að góðu.

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Ingibjörg Davíðsdóttir er oddviti Miðflokksins í Norðvesturkjördæmi. AÐSEND MYND

    Hressandi að skella sér í sjósund

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15 oli@feykir.is
    Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.
    Meira
  • Þóra Kristín í einni af fjölmörgum útsýnispásunum í Víetnam. AÐSENDAR MYNDIR

    Það sem maður veitir athygli vex og dafnar

    feykir.is Skagafjörður, Listir og menning, Lokað efni 23.11.2024 kl. 12.09 oli@feykir.is
    Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.
    Meira
  • Eldar Smári Kristinsson, oddviti Lýðræðisflokksins. AÐSEND MYND

    Ætlaði að verða prestur

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37 oli@feykir.is
    Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.
    Meira

  • Afmælisveisla Hvatar er einmitt í dag!

    feykir.is Austur-Húnavatnssýsla, Mannlíf, Lokað efni 23.11.2024 kl. 09.45 oli@feykir.is
    Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.
    Meira
  • Heiðdís Rós Eyjólfsdóttir, Flokki fólksins. MYND AÐSEND

    Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45 oli@feykir.is
    Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.
    Meira
Yfirlit frétta