Lamba-, ær-, og folaldakjöt frá Sölvanesi
Hjónin Rúnar Máni Gunnarsson og Eydís Magnúsdóttir, sem búa á bænum Sölvanesi í Skagafirði, bjóða upp á ýmislegt góðgæti í bíl smáframleiðenda þegar hann er á ferðinni. Í Sölvanesi er rekinn búskapur með sauðfé og hross en einnig bjóða þau upp á gistingu þar sem náttúruunnendur og útivistarfólk ætti að hafa nóg fyrir stafni því margar góðar gönguleiðir eru í námunda við bæinn.
Það var fyrir þremur árum að þau hjón ákváðu að prófa að framleiða vörur úr eigin hráefni í Vörusmiðju Biopol á Skagaströnd og má segja að tilraunin hafi undið vel upp á sig því nú bjóða þau upp á nokkrar mismunandi vörur. Má þar nefna bláberjagrafinn og reyktan ærvöðva, grafinn ærvöðva, ítalskar kjötbollur, beykireykt kindabjúgu, fars og gúllas. Úr folaldakjöti hafa þau meðal annars framleitt JÓR sem er berjagrafið og reykt folaldakjöt. „Við höfum selt vörurnar
okkar heima á býlinu, á bændamörkuðum t.d. á Hofsósi, Hvanneyri og víðar, á heimasíðu Beint frá býli, í gegnum REKO og nú síðast í Sælkerabílnum SMÁFRAMLEIÐENDUR Á FERÐINNI og í vefverslun Vörusmiðjunnar. Viðtökurnar í sölubílnum hafa verið frábærar og vonandi verður framhald á því verkefni.
Býlið er í lífrænni aðlögun eins og er og vonandi náum við að fá lífræna vorrun á næsta ári.“ Við fengum svo hjónin til að koma með nokkrar uppskriftir þar sem vörurnar þeirra fá að njóta sín og mælum við með því að fara inn á netverslunina vorusmidja.is og panta þessar girnilegu vörur sem þau hjón eru
að framleiða.
FORRÉTTUR
Bláberjagrafið ærfille á snittubrauði
AÐFERÐ: Bræðið smjör og smá sítrónusafa á pönnu. Skerið snittubrauðið og ristið öðru megin í smjörinu. Raðið á fat. Setjið smá bláberjasultu
á brauðið. Svo kemur Laugarmýrarsalat, klettasalat og sneið af grafna kjötinu, einnig má setja sneið af Brie osti ef vill. Skreytið fatið með bláberjum og
setjið svo smávegis af balsamik gljáa yfir. Namm!
AÐALRÉTTUR
Marokkóskur pottréttur
Þessi marokkóski pottréttur með lamba- eða ærgúllasi er í miklu uppáhaldi hjá Eydísi en upphaflega uppskriftin er frá Nönnu Rögnvaldar, þó aðeins breytt:
700 g ærgúllas
salt og pipar
2 msk. olía
1–2 laukar, smátt skornir (má sleppa)
2–3 kramin hvítlauksrif
2–3 gulrætur í sneiðum
100 g þurrkaðar apríkósur
2 tsk. cumin
2 tsk. kóríanderduft
1 tsk. túrmerik
1/2 tsk. kanill
100 ml chilitómatsósa eða
önnur sterk tómatsósa
chiliflögur eftir smekk
pínu cayennapipar
1/2 l vatn
1 dós kjúklingabaunir
50 g möndlur (ef vill)
AÐFERÐ: Hitið ofninn í 170°C. Þerrið kjötið, skerið í litla bita og kryddið með salti og pipar. Brúnið í olíu á pönnu eða steypujárnspotti, takið svo upp með gataspaða og setjið til hliðar. Bætið olíu á pönnu og mýkið gulrætur, hvítlauk og lauk, stráið kryddunum yfir, hrærið chilisósunni út í og loks apríkósunum
og kjötinu. Síðast fara baunirnar og möndlurnar í. Færið í eldfast mót eða setjið bara lok á steypujárnspottinn og inn í ofn í u.þ.b. klukkutíma. Þetta er einn af þessum réttum sem er ennþá betri daginn eftir.
Bíll Smáframleiðenda verður á ferðinni næst fyrir páskana eða dagana 23.mars til og með 27.mars. Hér fyrir neðan má sjá hvar og hvenær:)
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.