Kvennaskólinn fær andlitslyftingu
Kvennaskólinn á Blönduósi hefur fengið andlitslyftingu innandyra þessa síðustu mánuði. Unnið hefur verið að kappi við að endurnýja og endurbæta aðstöðu og umbúnað innan veggja skólans. Sérfræðingar Háskólaseturs á Blönduósi hafa þar skrifstofur ásamt framkvæmdastjóra Textílseturs. Herbergi sem áður voru heimavistarverur ungmeyja hýsa nú sérfræðinga í hafísfræðum og textílfræðum. Hollvinasamtök Kvennaskólans hafa til umráða rými þar sem saga Kvennaskólans verður rakin í máli og myndum og munum skólans komið fyrir.
Í Kvennaskólanum verður einnig aðstaða fyrir nemendur, lista- og fræðamenn. Fyrsti fræðamaðurinn, doktorsneminn Karl Aspelund, dvaldi þar á vegum Textílsetursins fyrri hluta júní mánaðar. Um næstu helgi bætast í hópinn áhugasamir nemendur sem dvelja í fjóra daga á sumarnámskeiðum Textílsetursins. Verða öll rýmis skólans fullnýtt en kennsla mun fara fram í orkeringu, útsaumi, frjálsu hekli og gimbi.
Kennararnir eru hver um sig þekktir í sínu fagi, Björk Ottósdóttir kemur frá Danmörku til að kenna útsaum, monogram, en hún hefur kennt við Skals håndarbejdesskole í Danmörku og margar konur sótt hana þangað heim. Helga Jóna Þórunnardóttir eigandi Nálarinnar og hannyrðakennari mun leiðbeina í orkeringu og verður sú nýbreyttni að einnig verður unnið með grófara efni sem gefur möguleika á að gera blúndur t.d. á peysur.
Eva Hulda Emilsdóttir textílkennari er ein af fáum sem leiðbeina í gerða gimbs sem er gömul aðferð við blúndugerð og nýtist á fjölbreyttan hátt í bæði minni og stærri verk. Edda Lilja Guðmundsdóttir sem hefur getið sér góðs orðs sem afar frumlegur heklhönnuður. Hún er höfundar að verkefnunum 52 húfur á 52 vikum og fleiri áhugaverðum verkefnum og er að opna sýningu í Selasetrinu laugardaginn 26.júní og mun kenna í framhaldinu á námskeiði í frjálsu hekli hjá Textílsetrinu.
Mun Kvennaskólinn iða af lífii þessa námskeiðsdaga, 26. – 29.júní. Í hverju horni verður setið við hannyrðir og handverk. Margt verður skrafað og skeggrætt, um daginn og veginn en ekki síst um sameiginlegt áhugamál allra; hannyrðir og handavinnu. Opið hús verður fyrir almenning á þriðjudaginn frá kl. 15 og gefst þá áhugasömum kostur að skoða afrakstur námskeiðanna.
Fleiri fréttir
-
Góð byrjun á árinu hjá Júdódeild Tindastóls
feykir.is Skagafjörður, Aðsendar greinar 04.04.2025 kl. 12.20Loka undirbúningur fyrir mótin á vorönninni hófst á fyrstu æfingu ársins 6. janúar.Meira -
Annað skiptið sem safninu hlotnast þessi viðurkenning
feykir.is Skagafjörður, Lokað efni 04.04.2025 kl. 12.04Á dögunum hlaut Byggðasafn Skagfirðinga viðurkenningu frá CIE Tours vegna ánægju gesta með heimsókn á safnið. CIE Tours er Írskt ferðaþjónustufyrirtæki sem var stofnað árið 1932 en fyrirtækið skipuleggur og heldur utan um ferðir í Evrópu. Í tilkynningunni segir að 2024 hafi verið annað árið í röð sem hópar frá þessu fyrirtæki sóttu safnið heim og þetta er jafnframt í annað skiptið sem safninu hlotnast þessi viðurkenning.Meira -
UMFÍ með sínar fyrstu sumarbúðir á Reykjum í sumar
feykir.is Skagafjörður, Austur-Húnavatnssýsla, Vestur-Húnavatnssýsla 04.04.2025 kl. 11.33Í sumar ætlar UMFÍ að halda sínar fyrstu sumarbúðir og verða þær staðsettar á Reykjum í Hrútafirði. Sumarbúðirnar eru ætlaðar krökkum sem eru fædd frá 2011-2013, segir á heimasíðu UMFÍ. Nú spyr ég... hafa ekki allir krakkar gott af því að prufa að fara í sumarbúðir og kynnast nýjum krökkum og hafa gaman? Þetta getur ekki klikkað!Meira -
Yndisleg kvöldstund á Löngumýri
feykir.is Skagafjörður, Lokað efni 04.04.2025 kl. 11.10Það voru fallegir tónar já eða hljómar sem komu frá Löngumýri sl.þriðjudagskvöld þegar tríóið Hljómbrá stóð fyrir vægast sagt notalegri kvöldstund. Tríóið Hljómbrá er skipað þeim Guðrúnu Helgu í Miðhúsum, Kolbrúnu Erlu á Úlfsstöðum og Írisi Olgu í Flatatungu og Rögnvaldur Valbergsson sér um undirleik.Meira -
Nýtt listaverk á Skagaströnd
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.04.2025 kl. 09.58Feykir sagði frá því um miðjan febrúar að nokkur ný ruslatunnulistaverk hafi bæst í safnið á Skagaströnd en þá var búið að mála á þrjár nýja tunnur, hver öðrum glæsilegri. Listamaðurinn sem á heiðurinn af tunnumálverkunum er Gígja Heiðrún Óskarsdóttir og nú er hún aftur á ferðinni því á dögunum bættist við ein ný tunna eftir Gígju.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.