Kuldi ríkjandi á næstunni þrátt fyrir aukna birtu sólar :: Veðurklúbbur Dalbæjar
Veðurklúbbur Dalbæjar fundaði í gær og spáði að venju í veðrið. Mættir voru, Jón Garðarsson, Haukur Haraldsson, Bergur Þór Jónsson, Hörður Kristgeirsson, Magnús Guðlaugsson, Ragnhildur Von Weisshappel og Kristján Loftur Jónsson.
Í fundargerð kemur fram að fundurinn hafi hafist á því að rifjað var upp og sagt frá hittingi veðurvita í nágrenni Dalvíkur í síðustu viku. Þar fór hluti Veðurklúbbsfélaga og hitti veðurglögga menn á stór Dalvíkursvæðinu til að fá hjá þeim frekari upplýsingar um hvar og hvernig þeir sæju fyrir komandi veður í sínu nágrenni. Sagt verður meira frá þeirri útrás síðar.
„En samkvæmt venju þá kíktum við í upplýsingar um uppkomu núverandi tungls til að vita hvort það myndi mögulega hafa mikil áhrif á veður næsta mánuðinn. En þar sem lægða rennur hérna í kringum okkur eru mjög þaulsetnar þá sýnist okkur að aðdráttarafl tunglsins nái ekki yfirhöndinni næsta mánuðinn frekar en nokkra undanfarna.
Þá litum við til draumfara og tilfinninga félaga og út úr þeirri yfirferð kom sú niðurstaða að mars muni verða snjóamánuðurinn hérna á stór Dalvíkursvæðinu og kuldinn frekar ríkjandi á næstunni þrátt fyrir að birtu sólar njóti eitthvað meira smátt og smátt. Þetta gleður vonandi skíðafólk, hvort sem það gengur fyrir lýsinu eða öðrum aflgjöfum,“ segir í fundargerðinni. Þar kemur einnig fram að borist hafi fyrirspurn í skilaboðum, líklega á Facebook, hvort klúbburinn gæti ekki farið að gefa út veðurspá fyrir höfuðborgarsvæðið og nágrenni. En Veðurklúbburinn vill ekki grípa fram fyrir hendurnar á veðurvitum þeirra slóða og hvetur íbúa þess svæðis frekar til að stofna sína veðurklúbba og aðstoða þannig veðurspáþyrsta þess svæðis með nærtækar spár.
Svo er niðurlag fundargerðarinnar í bundnu máli líkt og ætíð.
Mars mun sumum auka munað
margur gleðjist gumar þá.
Því skíði brúkuð, brekkur brunað
bætist geð og hýrnar brá.
Höf. Bjór
Mars
Hér er ekkert um að vera
aldrei vetrar sólin skín.
Ég nenni ekki neitt að gera
nema drekka brennivín.
Höf. Fía á Sandi.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.