KS færði Stólunum veglegan styrk á uppskeruhátíð – Dagur Þór segir reynt að halda svipuðu liði áfram
Eins og flestir vita lauk körfuknattleikstímabilinu síðastliðið miðvikudagskvöld þegar Tindastóll lét í minni pokann fyrir Völsurum í oddaleik í úrslitum Subway deildarinnar. Haldin var uppskeruhátíð sl. föstudagskvöld í íþróttahúsinu á Sauðárkróki og slegið upp balli í kjölfarið. Í tilefni velgengni Tindastóls í körfunni færðu fulltrúar Kaupfélags Skagfirðinga deildinni eina milljón króna að gjöf.
„Þetta var hefðbundin athöfn, matur og veitingar verðlauna og viðurkenninga meistaraflokkanna,“ segir Dagur Þór Baldvinsson, formaður körfuknattleiksdeildar. Hann viðurkennir að vera þreyttur en ánægður eftir mikla rússíbanareið karlaliðsins í vetur en vissulega verið gaman seinustu tvo mánuði.
„Þetta var krefjandi og erfitt á tímabili en svo náðum við þessu á skrið. Stelpurnar stóðu sig líka mjög vel, unnu marga leiki og öll lið nema tvö þau efstu,“ segir Dagur og var Síkið sem fyrr gott vígi þar sem flestir leikirnir unnust enda fjöldi stuðningsmanna að mæta. Breytingar verða hjá stelpunum á næsta tímabili þar sem Jan Bezica, þjálfari, er á förum. Dagur segir að unnið sé að því að finna annan þjálfara í hans stað enda verði ekki slegið slöku við með kvennaboltann.
Karlamegin segir Dagur áhuga vera á því að halda áfram með það sem vel gekk seinustu tvo mánuði og standa yfir viðræðum við menn og þjálfara. „Við viljum halda svipuðu liði og þjálfarateymi og var hér í restina,“ segir hann en áréttar að ekki sé gott að segja nú hvort náist samningar við erlendu leikmennina: „Það er bara verið að vinna þetta. Við klárum þetta fljótlega,“ segir hann og býst fastlega við því að þjálfari ársins verði áfram í herbúðum Stólanna.
Eins og fram kemur í inngangi fréttarinnar afhentu fulltrúar Kaupfélags Skagfirðinga deildinni eina milljón króna að gjöf í tilefni af velgengni Tindastóls í úrslitakeppni Subway deildar. Dagur er þakklátur fyrir velvild félagsins og segir gjöfina koma sér vel í rekstri deildarinnar. Þá hafi líka komið sér vel hve langt liðið náði í úrslitakeppninni og sá mikli áhugi sem stuðningsfólk sýndi með því að mæta á pallana. Innkoman hafi í raun lagað rekstrarárið. „Fólk kom alls staðar að til að upplifa þessa stemningu, þetta var eitthvað einstakt dæmi. Þetta er búið að vera upp og niður í vetur, en við höfum aldrei komist eins nærri því að landa titli og nú.“
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.