Króksmót 2019
Daganna 10. og 11. ágúst verður haldið hið árlega Króksmót. Mótið er haldið í 33. skipti og var mótið haldið fyrst árið 1987 og hefur mótið stækkað heilmikið frá þeim tíma. Króksmótið í ár verður með sama eða svipuðu sniði og fyrri ár. Þetta er mót fyrir stráka í 6. og 7. flokki. Feykir hafði samband við Helgu Dóru Lúðvíksdóttur sem er í stjórn Knattspyrnudeildar Tindastóls.
Við eigum von á nokkrum fjölda gesta en þetta verður þó ekki fjölmennasta mótið til þessa. Þátttakendur verða um 680 frá 20 félögum víðsvegar af landinu auk okkar heimaliðs að sjálfsögðu. Þetta mót er aðeins stærra en Landsbankamótið sem við héldum í júní en svipaður fjöldi og var á mótinu 2018.
Þetta er fjöldi sem við eigum auðvelt með að taka á móti hvað varðar gistingu og annað húsnæði - þessi mót mega heldur ekki verða of stór, þá þrengir að gistingu og verður of langt á milli leikja.
Það að halda svona fjölmennt mót krefst mikils undirbúnings og skipulags. Einnig krefst það fjölda sjálfboðaliða því það eru mörg verkefni og margar vaktir sem þarf að manna yfir þessa helgi. Það eru því mjög margir sem koma að þessu með félaginu, iðkendur, foreldrar og aðrir velunnarar og án þeirra væri þetta ekki hægt. En við viljum auðvitað halda þessum mótum gangandi fyrir okkar heimakrakka - það er gaman að fá svona stórt fótboltamót í heimabyggð og fá að taka þátt.
Sumarmótin eru stærstu fjáraflanir deildarinnar og eru því mikilvægur hlekkur í að halda úti því starfi sem hér er unnið. Það eru öflugir bakhjarlar sem styrkja þessi mót.
Aðal styrktaraðili Króksmótsins er - eins og fyrri ár - Fisk-Seafood.
Dagskráin er hefðbundin. Þetta byggist allt á því að fá að spila fótbolta og helst sem mest. Það hefur gengið vel að skipuleggja leikjaniðurröðun með aðstoð Torneopal og Heiðars, einnig er Jónsi fráfarandi framkvæmdastjóri stór partur í þeirri skipulagningu.
Hoppukastalar verða á svæðinu og hefðbundin kvöldvaka á laugardagskvöldið.
Svo er bara að vona að spáin verði okkur örlítið meira í hag og að það haldist þurrt.
Velkomin á Króksmót 2019.
Segir Helga Dóra að lokum.
/EÍG
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.