KR krækti í stig á lokamínútunum í Lengjubikarnum
Spilað var í A deild kvenna, riðli 1, í Lengjubikarnum í knattspyrnu á Króknum í dag. Völlurinn var iðagrænn og fallegur en óhætt að segja að veðrið hafi ekki verið upp á marga fiska framan af leik; hvassviðri og hríð. Það er hins vegar gaman að spila fótbolta og ekki amalegt að mæta Vesturbæjarstórveldinu KR í fyrsta heimaleik ársins. Það fór svo á endanum að liðin skiptu stigunum á milli sín en leiknum lauk með 1–1 jafntefli.
Lið Tindastóls er komið með allar sínar þrjár bandarísku stúlkur í hús og Amber og Hannah Cade voru klárar í slaginn en Murr meiddist í síðasta leik og verður höfð í bómull þangað til óhætt er að láta hana spreyta sig á ný. Auk þess voru Hugrún Páls og fyrirliðinn Bryndís Rut fjarri góðu gamni svo einhverjar séu nefndar en ánægjulegt var að sjá að Húnvetningurinn Hrafnhildur Björns var mætt á völlinn á ný en hún sleit krossbönd sumarið 2020 og missti af Pepsi Max sumrinu með Stólastúlkum. Sem var synd því Hrafnhildur er góð í fótbolta og það var einmitt hún sem gerði fyrsta mark leiksins á 35. mínútu og staðan 1-0 í hálfleik.
Heldur lagaðist veðrið í síðari hálfleik, dró úr bæði snjókomu og vindi, en gestunum gekk illa að skapa sér færi. Í kjölfarið á því að Lara Margrét, úr Vatnsdalnum, fékk að líta rauða spjaldið á 78. mínútu þyngdist þó pressa gestanna og þær uppskáru jöfnunarmark á 89. mínútu þegar Ólöf Freyja Þorvaldsdóttir kom boltanum framhjá Amber í markinu. Í uppbótartíma sótti lið KR hart að marki Tindastóls en Amber ætlaði ekkert að fá fleiri mörk á sig í dag svo þar við sat.
Lið Tindastóls tekur þátt í Lengjudeild kvenna í sumar en lið KR fór upp í Bestu-deild kvenna sl. haust eftir að hafa heimsótt Lengjudeildina. Næsti leikur Stólastúlkna í Lengjubikarnum [ekki rugla saman keppnum] fer fram nk. laugardag þegar stelpurnar mæta liði ÍBV í Akraneshöllinni. Síðan spila þær við Selfoss á JÁVERK-vellinum 12. mars og loks kemur Stjarnan í heimsókn á Sauðárkróksvöll 19. mars. Þetta var annar leikur Tindastóls í Lengjubikarnum en stelpurnar lágu fyrir sterku liði Breiðabliks í fyrstu umferð, 5–0.
Sigurður Ingi Pálsson lét myndavélina draga sig á völlinn í vetrarveðrinu og gaf Feyki góðfúslegt leyfi til að birta nokkrar fínar myndir frá leiknum.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.