Könurnar að koma á Krókinn!
Það var mikil stemning í kringum kvennafótboltann hjá Tindastóli síðastliðið sumar, liðið var í raun hársbreidd frá því að tryggja sér sæti í efstu deild, og stefnan er sett hátt í sumar. Tindastóll hafði fyrir nokkru samið við þrjár bandarískar stúlkur og þrátt fyrir undarlegt ástand í heiminum og vandamál með að ferðast milli landa þá eru, samkvæmt heimildum Feykis, góðar líkur á því að þær Mur, Jackie og Amber komi til landsins nú um helgina.
Í gær var beðið eftir svari frá utanríkisráðuneytinu hvort þær fengju að koma til landsins nú strax og var það leyfi veitt. Stelpurnar sem mæta á Krókinn frá Bandaríkjunum hefja Íslandsdvölina á því að fara í sóttkví eins og lög og reglur gera ráð fyrir. Markamaskínan sterka, Murielle Tiernan, spilar með liði Tindastóls þriðja sumarið í röð en hún hefur hefur skorað 52 mörk fyrir Stólana í 35 leikjum. Þá kemur Jackie Altshuld á Krókinn en hún lék með liðinu síðasta sumar og gerði níu mörk í 15 leikjum. Amber Michel kemur með þeim stöllum en hún á að verja mark Stólanna í sumar.
Fram kom í spjalli Feykis við Rúnar Rúnarsson, formann knattspyrnudeildar Tindastóls, að Tindastóll sé að skoða nýja leikmenn og er þá um að ræða liðsstyrk í þær stöður þar sem kvarnast hefur úr hópnum frá í fyrra. Þær sem hafa yfirgefið lið Tindastóls eru þær Laufey Harpa sem spilar í sumar með liði Þórs/KA, Vigdís Edda gekk til liðs við Breiðablik og Kolbrún Ósk lagði skóna á hilluna. Þá verður Guðrún Jenný ekki með í sumar, er ólétt en er hvergi nærri hætt.
Feykir heyrði einnig í Guðna Þór Einarssyni, þjálfara kvennaliðsins, og spurði hvort æfingar væru að hefjast hjá mfl. kvenna og hvernig undirbúningi hafi verið háttað síðustu vikur. „Reglur um æfingabann hefur verið í gildi hjá Almannavörnum sem útilokar allar skipulagðar æfingar með þjálfara. Við höfum eins og allir fylgt þeim tilmælum í einu og öllu,“ segir Guðni. „Við þjálfarar settum upp hlaupa- og styrktarplan sem þær hafa verið virkilega duglegar að fylgja eftir. Fyrir knattspyrnukonur sem eru vanar að æfa í hópi og með bolta eru auðvitað mikil viðbrigði að þurfa allt í einu að æfa einar í nokkrar vikur. Það hefur reynt mikið á sjálfsaga leikmannanna og hugarfar þeirra hefur verið algjörlega til fyrirmyndar. Á mánudaginn næsta megum við svo hefja æfingar í sjö manna hópum á hálfum velli og þeir hópar mega ekki blandast. Áfram verður í gildi 2 metra reglan, sem þýðir að hefðbundnar æfingar byrja ekki strax, en það er mikill munur að geta hist og sparkað aðeins í bolta.“
Er vitað hvenær keppni hefst? „KSI hefur gefið út að áætlað sé að hefja bikarkeppnina í byrjun júní og Íslandsmótið 18.-20. júní.“
Hvernig leggst sumarið í þig? „Sumarið leggst rosalega vel í mig. Í fyrra tókst okkur aðeins að bragða á að vera í toppbaráttu og sú reynsla verður okkur afar dýrmæt í sumar. Í okkar hópi eru virkilega frambærilegar knattspyrnukonur og ef við höldum rétt á spilunum og með góðum stuðningi þá eru okkur flestir vegir færir. Ég vil skora á alla að vera duglegir að kíkja á völlinn í sumar og hvetja meistaraflokkana okkar áfram,“ segir Guðni að lokum.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.