Kjúklingur í súrsætri tómatsósu og heimalagaður rjómaís
Stella Jórunn A. Levy og Ægir Jóhannesson á Jörfa í Víðidal sáu um Matgæðingaþátt Feykis í 27. tölublaði ársins 2015. „Við ákváðum að senda ekki inn forrétt einfaldlega vegna þess að við erum ekki mikið forréttafólk. Þess í stað er bara meira lagt í aðalrétt, meðlæti og deserta hér á bæ. Að maður tali nú ekki um stemningu og skemmtanagildi,“ sögðu matgæðingarnir Stella og Ægir..
Aðalréttur
Kjúklingur í súrsætri tómatsósu
4 - 6 kjúklingabitar
1 - 2 bréf beikon
1 dós sýrður rjómi
5 msk tómatsósa
1 - 2 msk chilisósa (má vera minna eða meira eftir smekk)
2 msk ólífuolía
1 msk balsamikedik
1 tsk dijonsinnep
1 tsk karrý
1 banani
rifinn ostur eftir eigin geðþótta
góð handfylli af salthnetum.
Aðferð:
Beikonið skorið niður, mér finnst persónulegra auðveldast að klippa það bara beint á pönnuna, og steikt þar til óskaáferð og litur er fenginn. Því dreift kæruleysislega en þó samviskusamlega í eldfast mót. Því næst er kjúklingurinn skorinn niður í munnbita og steiktur á sömu pönnu til að fá smá auka beikontöfra í kjúllann. Kryddið með uppáhalds kryddinu ykkar, mitt er t.d. salt og pipar. Þegar kjúklingurinn er orðinn fullkominn er bitunum skutlað yfir beikonið í eldfasta mótinu. Blandið öllum öðrum hráefnum vel saman (fyrir utan bananann, ostinn og salthneturnar) og hellið yfir kjúllabeikonið. Því næst er bananinn sneiddur niður og honum raðað fagnandi yfir. Rifinn ostur er næstur á dagskrá (honum dreift yfir með brosi á vör ) og eftir smekk hvers og eins er salthnetum dreift frjálslega yfir rifna ostinn. Trúið mér salthneturnar eru að poppa þetta algjörlega upp. Bakað í ofni (við um 200°C) þar til osturinn er gullinbrúnn.
Borið fram með snittubrauði, hrísgrjónum, sojasósu og salati. Salatið fer algjörlega bara eftir því hvað heimilisfólkið borðar.
Eftirréttur
Heimalagaður rjómaís
750 ml rjómi
9 eggjarauður
1½ dl sykur
1 poki af Núggat & súkkulaði spænum frá Mónu (150 g).
Aðferð:
Athugið að þetta er frekar stór uppskrift en það er vegna þess að ísinn klárast alltaf þegar hann er framborinn á okkar heimili og því dugar ekki að búa til smáís. Uppáhalds eldhústækið dregið fram en það er hrærivélin. Rjóminn stífþeyttur og settur til hliðar. Eggjarauðurnar því næst stífþeyttar með sykrinum. Rjóma og eggjarauðum síðan blandað varlega saman með sleif. Ég nota ekki hrærivélina á þessu stigi. Súkkulaðinu bætt út í og blandað varlega en þó með hamingju saman við.
Á þessu stigi ísgerðarinnar finnst fjölskyldumeðlimum nauðsynlegt að fá sér smá smakk svona til að koma sér í gírinn. Ísnum er því næst hellt í fallegt mót eða skál sem má frysta. Lokað vel og fryst í a.m.k. 6 klst.
Þegar ísinn er borinn fram er dásamlegt að bera hann fram með alls konar ferskum ávöxtum t.d. jarðaberjum og bláberjum. Heimagerð heit íssósa er svo punkturinn yfir ísinn en það eru auðvitað til margar slíkar sósur. Læt fylgja með tvær góðar.
Rolo íssósa:
3 pakkar af Rolo
¾ dl rjómi.
Aðferð:
Setjið rjómann í pott og Rolo út í, bræðið Rolo í rjómanum, passið að þetta brenni ekki við pottinn, hrærið stöðugt í.
Mars íssósa:
4 Mars súkkulaði
100 g suðusúkkulaði
1 peli rjómi.
Aðferð:
Allt sett í pott og hitað á lágum hita, þar til súkkulaðið er bráðið og hefur samlagast rjómanum, hrært af og til í pottinum þar til þetta hefur þykknað.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.