Kjúklingaborgarar með nan-brauði og tzatziki sósu og auðveldur eftirréttur
„Það er alltaf gaman að bregða út af vananum og fá sér aðeins öðruvísi borgara. Hér er uppskrift sem aldrei klikkar og allir ættu að smakka. Setjum með auðveldan eftirrétt og því er ekkert til fyrirstöðu að græja þetta strax,“ segja matgæðingarnir Hrund Pétursdóttir og Helgi Sigurðsson á Sauðárkróki í 42. tölublaði Feykis 2015..
Aðalréttur
Kjúklingaborgarar með nan-brauði og tzatziki sósu
Borgararnir:
650 g kjúklingabringur
5 vorlaukar
1½ msk engiferrót
2 stk.hvítlauksrif
1½ msk.cummin
2 tsk.paprikuduft
1,2 tsk.sítrónusafi
2 msk. fersk steinselja
1 tsk. salt
½ - 1 egg
1 dl brauðmylsna
dass af pipar
Aðferð:
Allt sett í matvinnsluvél og maukað. Skerið engiferrótina, kjúklingabringurnar og vorlaukinn í bita áður en það er sett í matvinnsluvélina. Geymt í kæli í u.þ.b. ½ - 1 klst. áður en borgararnir eru steiktir. Má alveg vera lengur.
Nan-brauð:
1 pk. þurrger
2 bollar volgt vatn
¼ bolli sykur
4 - 4½ bolli hveiti
2 tsk. salt
3 msk. smjör
1 egg
Aðferð:
Setjið volgt vatn í skál og stráið þurrgeri yfir. Látið standa í nokkrar mínútur þar til gerið hefur leyst upp og er farið að freyða aðeins. Bætið restinni út í (geymið u.þ.b. ½ bolla af hveiti) og hnoðið saman í höndum eða hrærivél í nokkrar mínútur. Látið hefast. Fletjið út þunn brauð og steikið á pönnu við hæsta hita eða skellið á grillið. Oft á fólk erfitt með að ná rétta „taktinum“ þegar gera á nan-brauð en þá viljum við benda þeim á að skella sér á youtube, þar eru frábær kennslumyndbönd.
Fyrir þá sem vilja hafa nan-brauðin ennþá meira djúsí þá er gott að vera búinn að bræða smjör, pressa út í það hvítlauk og smyrja á brauðið um leið og það kemur úr ofninum.
Tzatziki sósa:
2 dl grísk jógúrt
½ agúrka
1 tsk. salt
1-2 hvítlauksrif (pressuð)
½ msk. sítrónusafi
1 msk. ólívuolía
Aðferð:
Agúrkan fræhreinsuð og rifin niður. Allt sett í skál og blandað vel saman. Gott að gera sósuna nokkrum klst. áður og geyma í kæli. Ferskt salat með fetaosti er ómissandi með borgurunum og ef fólk vill hafa franskar eða aðra sósu þá er allt leyfilegt.
Auðveldur eftirréttur:
Grísk jógúrt, magn fer eftir fjölda
ferskir ávextir og ber
fljótandi hunang
Aðferð:
Jógúrtin þeytt lítillega. Hún fær aðeins léttara yfirbragð og svo lítur hún bara betur út í skálinni. Þetta er hægt að bera fram sitt í hvoru lagi þannig að hver og einn geti valið. Einnig hægt að setja jógúrtið í litlar skálar og skreyta með ávöxtum, berjum og góðu fljótandi hunangi.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.