Japanskur kjúklingaréttur og Súkkulaði-karamelludraumur
„Við kjósum að hafa eldamennskuna fljótlega og þægilega og deilum því með lesendum þessum bráðgóðu og einföldu uppskriftum,“ segja matgæðingarnir í 7. tölublaði Feykis árið 2015, þau Hjálmar Björn Guðmundsson og Ingibjörg Signý Aadnegard, á Blönduósi.
Hjálmar og Ingibjörg Signý bjóða upp á gómsætar uppskriftir af japönskum kjúklingarétti og súkkulaði-karamelludraumi.
Aðalréttur
Japanskur kjúklingaréttur
4 kjúklingabringur
Sósa:
½ bolli olía
¼ bolli balsamic edik
2 msk sykur
2 msk sojasósa
Aðferð:
Þetta er soðið saman í um eina mínútu. Kælt og hrært í annað slagið meðan það kólnar (ef ekki er hrært þá skilur sósan sig).
Þurrristað á pönnu:
1 poki núðlur, ekki kryddið. Núðlurnar eru brotnar í smáa bita og þær ristaðar fyrst
3-4 msk möndluflögur eða eftir smekk
1-2 msk sesamfræ eða eftir smekk
Þetta er síðan kælt.
Grænmeti:
1 poki klettasalat
tómatar eftir smekk (kirsuberja tómatar)
1 mangó
1 lítill rauðlaukur
Aðferð:
Kjúklingabringurnar eru skornar í ræmur og snöggsteiktar í olíu. Thai sweet chili sósu er hellt yfir og látið malla í smá stund.
Allt er svo sett í skál í þessari röð:
grænmeti
núðlur, möndlur, sesamfræ
kjúklingaræmur
sósa
Eftirréttur
Súkkulaði-karamelludraumur
50 g smjör
100 g súkkulaði 70%
3 egg
3 dl sykur
1 tsk vanilludropar
1 ½ dl hveiti
1 tsk salt
Aðferð:
Bræðið smjör og súkkulaði yfir vatnsbaði. Þeytið egg og sykur og blandið vanilludropunum saman við. Því næst er þurrefnunum blandað varlega saman við eggjablönduna. Að lokum er öllu blandað saman, deiginu hellt í form og kakan bökuð í 15 mínútur við 175°C.
Á meðan kakan bakast til hálfs er eftirfarandi hitað í potti:
50 g smjör
1 dl púðursykur
2 msk mjólk
Aðferð:
Setjið smjör og púðursykur í pott. Mjólkin er sett síðust og blandan látin sjóða í um eina mínútu. Kælið blönduna örlítið. Þegar kakan hefur verið í ofninum í 15 mín. er hún tekin út. Stráið pekanhnetum og kasjúhnetum yfir kökuna og hellið púðursykurskaramellunni yfir. Bakið áfram í aðrar 15 mínútur.
Kakan er best nýbökuð og má alls ekki bakast of lengi því hún á að vera blaut í miðjunni. Fallegt er að fegra kökuna með jarðaberjum. Berið fram með ís eða þeyttum rjóma.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.