Hverja hafa Skagfirðingar átt á topp 10

feykir.is Skagafjörður, Íþróttir 06.01.2010 kl. 15.14

 

Eyjólfur Gjafar Sverrisson er líklega bestur að mati þess sem leiddist í vinnunni.

Skagfirðingi sem leiddist í vinnunni fannst ekki úr vegi í tilefni af kjöri Íþróttamanns ársins í gær, að líta yfir topp 10 lista kjörsins í áranna rás. Þar má m.a. sjá að tveir orginalar hafa komist inn á topp 10 lista í kjörinu; Þau Vanda Sigurgeirsdóttir knattspyrnukona, sem var á listanum 1994 og Eyjólfur Sverrisson sem var á listanum 1991, 1992, 1998, 1999 og 2000. Hæst komst hann í 2. sæti í kjörinu, en það var árið 1999 þegar hann varð á eftir Erni Arnarsyni sundmanni.

Jón Arnar Magnússon var á topp 10 listanum 1994, 1995, 1996, 1997 og 1998 undir merkjum Skagfirðinga og þar af var hann kjörinn Íþróttamaður ársins 1995 og 1996. Hann var síðar á listanum undir merkjum Breiðabliks á árunum 2001, 2002 og 2003.

En það er líka gaman að skoða listann út frá því hvaða íþróttamenn hafa æft og stundað sínar íþróttir í Skagafirði á einhverjum tímapunkti ferils síns óháð því hvort þeir hafi verið á topp 10 listanum í kjörinu á sama tíma.

Þannig má sjá Árna Stefánsson fyrrum landsliðsmarkvörð í knattspyrnu – sem eiginlega er áunninn Skagfirðingur, en hann var á listanum árið 1975. Síðar flutti hann í Skagafjörðinn og lék með Tindastóli og þjálfaði um árabil. Valur Ingimundarson körfuknattleiksmaður sem lék með Tindastóli í mörg ár ásamt því að þjálfa einnig, var á listanum árið 1984 sem leikmaður Njarðvíkur. Páll Kolbeinsson kollegi hans var á listanum 1990 undir merkjum KR, Pétur Guðmundsson hinn stóri var á listanum 1981, 1982 og 1986 sem leikmaður með Val, ÍR og Los Angeles Lakers í NBA-deildinni bandarísku. Pétur Pétursson, lék með Tindastóli í knattspyrnu á sínum tíma, en hann var á meðal 10 efstu í kjöri á Íþróttamanni ársins 1981, 1982 og 1983, tvö hin seinni ár sem leikmaður Feyenoord í Hollandi.

Af þessri upptalningu sem er meira til gamans en gagns, má sjá að talsverður fjöldi afreksíþróttamanna hafa dvalið í lengri eða skemmri tíma í Skagafirði við íþróttaiðkun sína sé miðað við þennan ágæta lista í kjöri íþróttafréttamanna á Íþróttamanni ársins og þar af tveir orginalar, þau Vanda og Eyjólfur.

Draga má þá ályktun sé litið yfir listann, að Eyjólfur Sverrisson sé fræknastur skagfirskra íþróttakappa fyrr og síðar.  

 

Skorar vefsíðan á Húnvetninga sem leiðist í vinnunni að fara yfir stöðuna á sínum heimavelli

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Andri&FarmerJohn að gogga. Andri Már er annar frá hægri MYNDIR FRÁ ANDRA OG FLEIRUM

    Tómar tilviljanir urðu til þess að Andri Már er óvart kominn með hljómsveit í Mexíkó

    feykir.is Skagafjörður, Listir og menning, Lokað efni 15.03.2025 kl. 22.41 oli@feykir.is
    „Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í Mexíkó
    Meira
  • Jónas Aron á ferðinni í leik gegn Magna um síðustu helgi. Hann gerði annað mark Tindastóls í dag. MYND ©SIGURÐUR INGI

    Gestirnir höfðu betur í baráttuleik

    feykir.is Skagafjörður, Íþróttir, Lokað efni 15.03.2025 kl. 21.28 oli@feykir.is
    Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.
    Meira
  • Veðurspáin fyrir hádegi á morgun, sunnudaginn 15. mars. SKJÁSKOT

    Það er sjö stiga hiti í veðurkortunum

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21 oli@feykir.is
    Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.
    Meira
  • Stjórn kirkjugarðs Blönduóss var endurkjörin á fundinum. MYND AF HÚNA.IS

    Stefnt að endurnýjun rafkerfisins í kirkjugarði Blönduóss

    feykir.is Austur-Húnavatnssýsla, Mannlíf 15.03.2025 kl. 21.19 oli@feykir.is
    Húnahornfið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.
    Meira
  • Sadio Doucoure átti ágætan leik í gær en það dugði ekki til. MYND: ©SIGURÐUR INGI

    Njarðvíkingar brugðu fæti fyrir lið Tindastóls

    feykir.is Skagafjörður, Íþróttir, Lokað efni 14.03.2025 kl. 09.48 oli@feykir.is
    Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.
    Meira
Yfirlit frétta