Illviðri og úrkoma í kortunum upp úr miðri viku
Holtavörðuheiði og Öxnadalsheiði hafa verið opnaðar fyrir umferð en þeim var lokað í nótt vegna veðurs og færðar. Flestallir vegir á Norðurlandi vestra eru því færir en víða má reikna með hálku eða hálkublettum. Lægðagangur verður viðvarandi út vikuna með tilheyrandi úrkomu og hvassviðri. Gul viðvörun er fyrir Norðurland vestra frá kl. 15 á morgun, miðvikudag, og fram á miðjan fimmtudag.
Í dag má reikna með hita í kringum frostmark og sunnanátt allt að 10 m/sek á Norðurlandi vestra. Aðfaranótt miðvikudags er spáð éljum eða snjókomu fram yfir hádegi en þegar líður að kvöld hvessir hressilega en um leið hækkar hitinn og úrkoman verður í rigningarformi. Versta veðrinu er spáð aðfaranótt fimmtudags en þá gæti vindur farið vel yfir 20 m/sek í suðvestanátt. Á hádegi á fimmtudag er spáð hita að 10 stigum og hellirigningu fram eftir degi.
Heldur lækkar rostinn í veðrinu þegar nálgast helgina og þá útlit fyrir skaplegra veður.
UPPFÆRT KL. 13:30: Veðurstofan hefur uppfært viðvörun úr gulri í appelsínugula og á það við megnið af landinu frá því um kl. 15 á morgun og stendur yfir í sólarhring hið minnsta. Er nú gert ráð fyrir sunnanillviðri, 20-30 m/s (stormur, rok eða ofsaveður). Hlýtt um allt land og rigning, talsverð eða mikil á sunnan- og vestanverðu landinu. Raskanir á samgöngum líklegar. Útlit fyrir vatnavexti. Líkur á staðbundnu foktjóni.
Fleiri fréttir
-
Opið fyrir umsóknir í tvo sjóði hjá UMFÍ
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 03.04.2025 kl. 13.29Á vef UMFÍ segir að búið er að opna fyrir umsóknir í Fræðslu- og verkefnasjóð UMFÍ og Umhverfissjóð UMFÍ. Sjóðirnir gagnast afar vel þeim sem leita eftir stuðningi við félags- og íþróttastarf og umhverfisverkefni. Rétt til umsóknar úr sjóðunum eiga sambandsaðilar UMFÍ, aðildarfélög sem eru virk í starfi og deildir innan þeirra. Einnig eiga stjórn og nefndir UMFÍ rétt á að sækja um styrk úr sjóðunum.Meira -
Rabarbarafreyðivín þróað á Hvammstanga
feykir.is Austur-Húnavatnssýsla, Vestur-Húnavatnssýsla, Lokað efni 03.04.2025 kl. 11.50Bændablaðið segir frá því að á Hvammstanga er verið að þróa framleiðslu á íslensku víni, Rabarbarafreyðivínið Hret, og er áætlað er að það komi á innlendan markað árið 2026. Forsvarsmenn Hrets þær stöllur Hrund Jóhannsdóttir og Greta Clough vinna um þessar mundir að þróun á íslensku freyði- og ávaxtavíni. Markmiðið er að þróa farsælt vörumerki með áherslu á íslenskan uppruna en á alþjóðlegum markaði.Meira -
Domi ráðinn þjálfari yngri flokka hjá Hvöt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 03.04.2025 kl. 11.26Stjórn knattspyrnudeildar Hvatar hefur ráðið Juan Carlos Dominguez Requena (Domi) í starf þjálfara yngri flokka hjá deildinni frá og með 1. apríl 2025. Dom kemur til deildarinnar frá Tindastól þar sem hann hefur þjálfað yngri flokka undanfarin ár.Meira -
Barnaleikritið Ferðin á heimsenda frumsýnd í kvöld
feykir.is Austur-Húnavatnssýsla, Vestur-Húnavatnssýsla, Mannlíf 03.04.2025 kl. 11.21Leikfélag Blönduóss frumsýnir í kvöld, fimmtudaginn 3. apríl, í Félagsheimilinu á Blönduósi, barnaleikritið Ferðin á heimsenda eftir Olgu Guðrúnu Árnadóttur. Stór og flottur leikhópur á öllum aldri tekur þátt í sýningunni og er það hinn reyndi leikstjóri, Sigurður Líndal sem stýrir hópnum.Meira -
Stólarnir tóku fyrsta sigurinn í einvíginu gegn Keflvíkingum
feykir.is Skagafjörður, Íþróttir, Lokað efni 02.04.2025 kl. 23.59Það reyndist raunin, líkt og Feykir hafði bent á í morgun, að Keflvíkingar voru sýnd veiði en ekki gefin. Þeir mættu brattir til leiks í Síkinu í kvöld í fyrstu rimmu deildarmeistara Tindastóls og Suðurnesjapiltanna í einvígi liðanna í átta liða úrslitum Bónus deildar karla. Eftir sveiflukenndan leik þá var það loks í blálokin sem Stólarnir tryggðu sér sigurinn eftir að gestirnir höfðu leitt með fjórum stigum í hálfleik. Lokatölu 94-87 og næst liggur leiðin í Keflavíkina.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.