Húnaþing vestra kallar eftir ábendingum
Nú stendur yfir vinna við gerð umferðaröryggisáætlunar fyrir Hvammstanga, Laugarbakka og Borðeyri. Fyrir nokkrum árum var sambærileg vinna unnin fyrir vegi í dreifbýli og allir vegir myndaðir og hættur skoðaðar á vegum SSNV. Sambærileg vinna fer nú í gang fyrir þéttbýlisstaði í sveitarfélaginu segir á vef Húnaþings vestra.
Markmið með gerð umferðaröryggisáætlana er að auka vitund íbúa og forsvarsmanna sveitarfélagsins um umferðaröryggi. Undanfarin ár hefur Samgöngustofa hvatt sveitarfélög til að gera áætlanir um umferðaröryggismál. Teknar hafa verið saman leiðbeiningar um gerð umferðaröryggisáætlana sveitarfélaga og tekur þessi vinna mið af þeim leiðbeiningum. Gert hefur verið samkomulag við VSÓ um ráðgjöf við vinnuna en þar innanhúss er umtalsverð reynsla af gerð umferðaröryggisáætlana víðs vegar um landið.
Mikið er lagt upp úr ábendingum frá íbúum um ferðavenjur, hættur og tækifæri til úrbóta. Í því augnamiði hefur verið sett upp vefsjá og eru íbúar sem hafa ábendingar eru beðnir um að skrá þær á vefsjána.
Sérstaklega er óskað eftir að íbúar á Hvammstanga merki inn gönguleiðir nemenda í skóla til að hægt sé að skoða hvort þörf er á úrbótum á þeim leiðum. Til að senda ábendingu er smellt á hnappinn Senda ábendingu og þær skráðar í formið sem upp kemur. Hægt er að merkja inn á kortið, ýmist með punktum eða línum. Hver einstaklingur getur skráð fleiri en eina ábendingu.
Einnig má senda ábendingar á netfangið skrifstofa@hunathing.is
Fleiri fréttir
-
Sigurbjörn Darri stóð uppi sem sigurvegari
feykir.is Skagafjörður, Íþróttir 24.01.2025 kl. 15.32Pílukastfélag Skagafjarðar stóð fyrir öðru krakkamóti í vikunni en í þetta skiptið var mótið fyrir krakka í 6. og 7. bekk. Alls voru níu krakkar skráðir til leiks og spilað var 301, double out. Byrjað var í riðlum en eftir það var útsláttarkeppni þar til einn stóð eftir sem sigurvegari. Krakkarnir stóðu sig öll frábærlega og sýndu oft á tíðum frábæra takta með góðum +100 heimsóknum og komu nokkur frábær útskot á mótinu.Meira -
Byggðakvóti Skagastrandar skerðist um 115 tonn
feykir.is Skagafjörður, Austur-Húnavatnssýsla, Vestur-Húnavatnssýsla 24.01.2025 kl. 15.15Á vef Sveitarfélagsins Skagastrandar segir í fréttaskoti, sem var birt 24. janúar, að mikil vonbrigði hafi verið þegar Matvælaráðuneytið birti úthlutun byggðakvóta á fiskveiðiárinu 2024-2025 en úthlutun til sveitarfélagsins fer úr 170 tonnum í 55 tonn vegna fiskveiðiársins 2023-2024 í nýjustu úthlutun sem samsvarar 115 tonna skerðingu. Þegar úthlutanir fyrir önnur bæjarfélög á Norðurland vestra eru skoðuð þá fær Hvammstangi(130 tonn), Blönduós(15 tonn), Sauðárkrókur(130 tonn) og Hofsós(15 tonn) sömu úthlutun og í fyrra og er því Skagaströnd eina bæjarfélagið sem verður fyrir skerðingu á svæðinu.Meira -
Sautján nýburagjafir gefnar í Húnaþingi vestra í fyrra
feykir.is Skagafjörður, Austur-Húnavatnssýsla, Vestur-Húnavatnssýsla 24.01.2025 kl. 14.40Á vef Húnaþings vestra segir að frá árinu 2023 hefur nýbökuðum foreldrum í sveitarfélaginu verið færð lítil gjöf til að bjóða nýfædda íbúa velkomna í heiminn og voru gefnar 17 gjafir á árinu 2024.Meira -
Bændur fá styrk vegna kaltjóns
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.01.2025 kl. 14.40Fram kom í fréttum fyrr í þessum mánuði að talið væri að tjón bænda á Norðurlandi vegna óhagstæðs veðurs á síðasta ári næmi rúmlega milljarði króna. Afurðatjón sauðfjárbænda væri mest en uppskerubrestur og kalskemmdir væru einnig að vega þungt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.