Hörpuskel í hvítlauksolíu, kjúklingur í beikonsósu og rabarbarakaka
Þessa vikuna eru það Sigurbjörg Jóhannesdóttir og Már Hermannsson á Hvammstanga sem koma með uppskriftir við allra hæfi. -Þegar við settumst niður til að ákveða hvaða uppskriftir ættu að verða fyrir valinu komu strax hugmyndir frá krökkunum á heimilinu. Þar sem þeim finnst mjög gaman að baka og þau eru að byrja að þreifa fyrir sér í eldamennsku, þá eru þetta þannig réttir sem þau ráða mjög auðveldlega við. Þetta eru líka bragðgóðir réttir og fljótlegir því ekki veitir af í því tímaleysi sem oft einkenna nútíma fjölskyldur.
Forréttur
Hörpuskel í hvítlauksolíu
- Matarolía
- Sítrónusafi
- Hvítlaukur, 3 rif
- Fiskikrydd
Hörpuskel, sett út í og látið vera í stofuhita í um 3 klst. Borið fram með ristuðu brauði.
Aðalréttur
Kjúklingur í beikonsósu
- 4 kjúklingabringur
- Beikon
- 5 dl matreiðslurjómi
- 1 lítil dós tómatpuré
Kryddið kjúklinginn með salti og pipar og steikið hann á pönnu. Vefjið beikonsneið utan um hvern bita og raðið í eldfast mót. Hrærið saman matreiðslurjóma og tómatpuré og hellið yfir kjúklinginn. Bakað í ofni í ca 40 mín. við 200° C. Gott er að hafa hrísgrjón og salat með þessu.
Eftirréttur
Rabarbarakaka
- 100 g hveiti
- 100 g sykur
- 1 tsk lyftiduft
- 1 egg
- U.þ.b. 500 g rabarbari
- 100 g púðursykur
- 50 g kókosmjöl
Hrærið saman hveiti, sykur, lyftiduft, egg og rabarbara ásamt safanum af rabarbaranum ef hann hefur verið í frysti. Hellið í eldfast mót. Blandið saman púðursykri og kókosmjöli og sáldrið yfir deigið. Bakið í 175-200°C heitum ofni í 20-30 mínútur. Gott er að hafa ís eða þeyttan rjóma með þessu.
Verði ykkur að góðu.
Áður birt í Feyki í apríl 2010
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.