Hlé á meirihlutaviðræðum VG næstir í röðinni?
Nú í hádeginu gerðu Framsóknarmenn í Skagafirði hlé á meirihlutaviðræðum við Samfylkinguna á meðan þeir gera tilraun til þess að ná saman við önnur framboð.
Að sögn Grétu Sjafnar Guðmundsdóttur var um hlé að ræða en hún vildi ekki tjá sig um ástæðu þess að flokkarnir náðu ekkis saman.
Samkvæmt öðrum heimildum Feykis strönduðu viðræðurnar á hvort fara ætti af stað með byggingu Árskóla eður ei en Framsóknarmenn fóru fram með tillögu þess efnis undir lok kjörtímabilsins en nutu þá ekki stuðnings samstarfsflokks síns, Samfylkingarinnar.
Sigurjón Þórðarson, formaður Frjálslynda flokksins, var í dölunum þegar Feykir náði sambandi við hann en aðspurður sagði hann að ekki hafi verið haft samband við sig. -Ég byrjaði hins vegar að undirbúa mig í gær og fór á bókasafnið þar sem ég tók á leigu sögu Samvinnuhreyfingarinnar, svona til þess að reyna að skilja betur hugsunargang Framsóknarmanna og stóran hluta kjósenda í Skagafirði. Eftir að hafa gluggað í bókina held ég að Framsóknarmenn ættu að gera það líka, sagði Sigurjón.
Stefán Vagn Stefánsson, oddviti Framsóknarmanna staðfesti við Feyki að hlé hefði verið gert á viðræðinum. -Við munum ræða við alla flokka, segir Stefán Vagn og væntanlega munum við byrja á VG. En við ætlum að ræða við alla flokka og meta framhaldið út frá því.
Fleiri fréttir
-
Opið fyrir umsóknir í tvo sjóði hjá UMFÍ
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 03.04.2025 kl. 13.29Á vef UMFÍ segir að búið er að opna fyrir umsóknir í Fræðslu- og verkefnasjóð UMFÍ og Umhverfissjóð UMFÍ. Sjóðirnir gagnast afar vel þeim sem leita eftir stuðningi við félags- og íþróttastarf og umhverfisverkefni. Rétt til umsóknar úr sjóðunum eiga sambandsaðilar UMFÍ, aðildarfélög sem eru virk í starfi og deildir innan þeirra. Einnig eiga stjórn og nefndir UMFÍ rétt á að sækja um styrk úr sjóðunum.Meira -
Rabarbarafreyðivín þróað á Hvammstanga
feykir.is Austur-Húnavatnssýsla, Vestur-Húnavatnssýsla, Lokað efni 03.04.2025 kl. 11.50Bændablaðið segir frá því að á Hvammstanga er verið að þróa framleiðslu á íslensku víni, Rabarbarafreyðivínið Hret, og er áætlað er að það komi á innlendan markað árið 2026. Forsvarsmenn Hrets þær stöllur Hrund Jóhannsdóttir og Greta Clough vinna um þessar mundir að þróun á íslensku freyði- og ávaxtavíni. Markmiðið er að þróa farsælt vörumerki með áherslu á íslenskan uppruna en á alþjóðlegum markaði.Meira -
Domi ráðinn þjálfari yngri flokka hjá Hvöt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 03.04.2025 kl. 11.26Stjórn knattspyrnudeildar Hvatar hefur ráðið Juan Carlos Dominguez Requena (Domi) í starf þjálfara yngri flokka hjá deildinni frá og með 1. apríl 2025. Dom kemur til deildarinnar frá Tindastól þar sem hann hefur þjálfað yngri flokka undanfarin ár.Meira -
Barnaleikritið Ferðin á heimsenda frumsýnd í kvöld
feykir.is Austur-Húnavatnssýsla, Vestur-Húnavatnssýsla, Mannlíf 03.04.2025 kl. 11.21Leikfélag Blönduóss frumsýnir í kvöld, fimmtudaginn 3. apríl, í Félagsheimilinu á Blönduósi, barnaleikritið Ferðin á heimsenda eftir Olgu Guðrúnu Árnadóttur. Stór og flottur leikhópur á öllum aldri tekur þátt í sýningunni og er það hinn reyndi leikstjóri, Sigurður Líndal sem stýrir hópnum.Meira -
Stólarnir tóku fyrsta sigurinn í einvíginu gegn Keflvíkingum
feykir.is Skagafjörður, Íþróttir, Lokað efni 02.04.2025 kl. 23.59Það reyndist raunin, líkt og Feykir hafði bent á í morgun, að Keflvíkingar voru sýnd veiði en ekki gefin. Þeir mættu brattir til leiks í Síkinu í kvöld í fyrstu rimmu deildarmeistara Tindastóls og Suðurnesjapiltanna í einvígi liðanna í átta liða úrslitum Bónus deildar karla. Eftir sveiflukenndan leik þá var það loks í blálokin sem Stólarnir tryggðu sér sigurinn eftir að gestirnir höfðu leitt með fjórum stigum í hálfleik. Lokatölu 94-87 og næst liggur leiðin í Keflavíkina.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.