Hjónabandssæla af sérstöku tilefni
Eftirfarandi uppskriftir birtust í 7. tbl. Feykis 2009 og komu frá þeim heiðurshjónum á Sölvabakka Önnu Margréti Jónsdóttur og Sævari Sigurðssyni. Þau segja forréttinn hafa vakið mikla lukku á þeirra heimili og er grafið lamb. Reyndar er alveg eins hægt að nota hryggvöðva úr ungum ám og er það ekkert síðra.
Grafið lamb
- 300 g lambafillet eða annað gott fitu- og sinalaust lambakjöt
- 2 dl gróft salt
- 1 msk sykur
- 1 msk þurrkað blóðberg eða timian
- 1 msk þurrkað birkilauf eða basil
- 1 msk rósapipar
- 1 msk hvannarótarfræ eða dillfræ
- 1 msk sinnepsfræ
- 1 msk rósmarín
Veltið kjötinu upp úr salti og sykri og geymið í kæli í 4 klst. Skolið þá saltið og sykurinn af með vatni. Setjið allt kryddið í mortél og myljið það lítillega. Veltið kjötinu upp úr kryddinu og geymið í kæli yfir nótt. Berið fram með t.d. vinaigrette sósu.
Aðalrétturinn eru innbakaðar folaldalundir sem eru að okkar mati algert sælgæti. Þetta hefur verið veislumatur á gamlárskvöld hjá okkur tvisvar sinnum. Það má líka nota folalda fillet, en þá verður að skera það í tvennt eftir endilöngu.
Innbakaðar folaldalundir
- 1 pakki smjördeig
- 700-800 g folaldalundir
- pipar, nýmalaður
- salt
- 50 g smjör
- 150 g sveppir, smátt saxaðir
- 1 tsk rósmarín, ferskt, saxað eða ¼ tsk þurrkað
- 100 g gráðaostur
- 100 ml sýrður rjómi
Smjördeigið látið þiðna og ofninn hitaður í 180 gráður. Kjötið kryddað vel með pipar og salti. Smjörið brætt á pönnu og kjötið brúnað á öllum hliðum en síðan fært upp á disk. Sveppirnir steiktir við meðalhita í 3-4 mínútur. Á meðan er osturinn mulinn í skál og sýrða rjómanum hrært saman við. Deigplöturnar lagðar á borð þannig að þær skarist ögn og þær síðan flattar út. Sveppunum hrært saman við ostblönduna og þessu smurt á smjördeigið, ekki þó út á brúnir. Kjötið lagt ofan á og pakkað inn í smjördeigið. Brúnirnar penslaðar með vatni svo þær tolli betur saman. Sett á pappírsklædda bökunarplötu eða í stórt, eldfast fat og bakað þar til deigið er gullinbrúnt og hefur blásið út. Tekið úr ofninum, látið standa í nokkrar mínútur og síðan borið fram með grænu salati og e.t.v. steiktum eða gratineruðum kartöflum.
Og svo ein hjónabandssælu uppskrift í lokin en sú var þemakaka sumarsins 2008 hér á Sölvabakka, þar sem giftum okkur í ágúst síðastliðnum.
Hjónabandssæla í ofnskúffu
- 4 bollar hveiti
- 4 bollar haframjöl
- 2 bollar sykur
- 2 egg
- 400 g smjörlíki (brætt)
- 2 tsk natron
- 100 g möndluflögur
- 100 g suðusúkkulaði
- rabarbarasulta
Allt hnoðað saman nema rabarbarasultan og suðusúkkulaðið. Deigið sett í smurða ofnskúffu og þrýst vel niður, nema nokkrir molar sem dreift er yfir í lokin. Þá er rabarbarasultu smurt ofan á og loks deigmolunum sem skildir voru eftir dreift yfir. Bakað við 180 gráður í ca. 15-20 mínútur. Þegar kakan hefur kólnað er súkkulaðið brætt og dreift yfir hana með skeið í mjóar rendur.
Verði ykkur að góðu
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.