Herra Fúll ætlar ekki á kjörstað
„Trúir þú þessu í alvöru?“ spurði vinnufélagi minn þegar ég sýndi honum stefnumálin mín – m.a. alla ráðherra utan Alþingis og upprætum flokksræði – í upphafi kosningabaráttunnar. Eða kosningahvatningarinnar, öllu heldur, sem er orð sem mér hugnast betur. Ég vissi ekki hverju ég átti að svara. Trúi ég þessu eins og boðorðunum 10? „Trúir þú á breytingar?“ spurði hann þá.
Tja, breytingar eiga sér stað í sífellu þótt þær séu ekki alltaf okkur að skapi. En oft getum við haft áhrif á breytingar og séð til þess að þær verði til góðs. Nú gefst okkur tækifæri til að hafa áhrif á breytingar í stjórnsýslunni með því að kjósa fulltrúa okkar á stjórnlagaþing. Þetta gæti orðið okkar eina tækifæri til að hafa áhrif á stjórnarskrárbreytingar með beinu lýðræði. Ég trúi því að ég geti haft áhrif á breytingar og að kjósendur geti það sömuleiðis, en aðeins ef þeir nýta sér atkvæðisréttinn. Vinnufélagi minn, hins vegar, trúir á stöðnun. Hann ætlar að sitja heima, tuða yfir ástandinu – en um leið sætta sig við það – og sleppa því að vera þátttakandi í lífinu.
Ég tók þátt í því að stofna hvatningarhóp frambjóðenda, sem hefur það markmið að vekja athygli á mikilvægi stjórnlagaþingsins og hvetja fólk til þess að kjósa 27. nóvember næstkomandi. Talsmaður okkar, Fjalar Sigurðarson, sem er ekki í framboði sjálfur, hefur komið fram í hinum ýmsu fjölmiðlum í þeim tilgangi. Hópurinn hefur einnig látið gera bráðskemmtilegar skopmyndir af Herra Fúlum, sem ætlar ekki að kjósa og réttlætir þá ákvörðun sína með bjánalegum rökum, eins og: „Huh, þetta eru nú bara kverúlantar í framboði!“ (það eru fleiri fúlir karlar á vefsíðunni kjostu.org).
Það eru 525 í framboði til stjórnlagaþings, sem endurspeglar áhuga þjóðarinnar á þessum sögulega viðburði. Frambjóðendur og kjósendur eru flestir sammála mikilvægi þess að aðskilja framkvæmda- og löggjafarvald betur, t.d. með því að koma í veg fyrir að ráðherrar séu líka þingmenn. En fólk hefur líka ýmis önnur umdeildari stefnumál, t.d. kjördæmaskiptingu. Hvort sem þið viðjið gera landið að einu kjördæmi eða ekki, ættuð þið að finna frambjóðendur að ykkar skapi.
Heyrst hefur utan af landi að kosningarnar varði bara Reykvíkinga. Hvernig má það vera? Við erum öll þegar þessa samfélags og í kosningunum hafa atkvæði okkar allra jafn mikið vægi. Stjórnarskráin hlýtur að varða okkur öll. Ég er að norðan þótt ég búi í Reykjavík. Skiptir það máli? Ég held við ættum öll að vinna saman og kjósa á laugardaginn til að sjá til þess að fjölbreyttur hópur frambjóðenda komist á þing.
Eftir Eygló Svölu Arnarsdóttur, frambjóðanda nr. 3854.
Fleiri fréttir
-
Uppselt á tónleikana
feykir.is Skagafjörður, Austur-Húnavatnssýsla, Vestur-Húnavatnssýsla 24.04.2025 kl. 17.55Þann 23. október sl. hefði Stefán R. Gíslason tónlistarkennari, kórstjóri og organisti í Varmahlíð orðið sjötugur. Þann sama dag sagði sr. Gísli Gunnarsson á Hólum frá því á Facebook síðu sinni að hann hefði ákveðið, í samráði við fjölskyldu Stefáns, að stofna minningarsjóð í hans nafni. Minnigartónleikar verða haldnir í kvöld í fjáröflunarskyni fyrir sjóðinn og uppselt er á tónleikana.Meira -
„Jakkaföt, vesti og slaufa og að sjálfsögðu var maður með strípur“
feykir.is Skagafjörður, Vestur-Húnavatnssýsla, Mannlíf, Lokað efni 24.04.2025 kl. 15.13Ragnar Smári Helgason ólst upp í Dalatúninu á Króknum og Hamri í Hegranesi en býr í Lindarbergi á Hvammstangi í Vestur-Húnavatnsýslu ásamt Kolbrúnu konu sinni og þremur börnum. Ragnar Smári vinnur hjá Vinnumálastofnun/Fæðingarorlofs-sjóði á Hvammstanga. Hann sagði Feyki örlítið frá þessum degi í lífi hans.Meira -
Fermist í hvítum blúndukjól og Jordans skóm
feykir.is Austur-Húnavatnssýsla, Lokað efni 24.04.2025 kl. 13.00Arney Nadía Hrannarsdóttir býr á Skagaströnd og foreldrar hennar eru Alexandra Ósk Guðbjargardóttir og Hrannar Baldvinsson. Sr. Guðni Þór Ólafsson sér umferminguna sem verður í Hólaneskirkju þann 8. júní.Meira -
Myndi bjóða LeBron James í veisluna
feykir.is Skagafjörður, Lokað efni 24.04.2025 kl. 09.00Jón Karl Brynjarsson verður fermdur af sr. Höllu Rut Stefánsdóttur þann 24. apríl í Reynistaðarkirkju. Foreldrar Jóns Karls eru Brynjar Sindri Sigurðarson og Guðrún Helga Jónsdóttir í Miðhúsum í Akrahreppi.Meira -
Gleðilegt sumar!
feykir.is Skagafjörður, Austur-Húnavatnssýsla, Vestur-Húnavatnssýsla 24.04.2025 kl. 08.00Sumardagurinn fyrsti er í dag og óskar Feykir lesendum gleðilegs sumars. Þessi fallegi dagur virðist ætla að bjóða upp á ágætis veður, hitinn á Norðurlandi vestra víðast hvar milli 6-7 stig, hæg breytileg átt og bjartviðri, samkvæmt spá Veðurstofunnar. Það er því ekkert því til fyrirstöðu en að fagna komu sumars með því að stökkva í stuttbuxur eða hvað, kannski þeir allra hörðustu, og kíkja á þá viðburði sem eru á dagskrá sem eru reyndar ekki margir en nokkrir þó.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.