Hefur tamið sér varkárari vinnubrögð en aðrar fjármálastofnanir
Á ársfundi Byggðastofnun sem fram fór í Skagafirði á dögunum kom fram að stofnunin þarf að vera viðbúin og taka frumkvæði í þeim breytingum sem yfirvofandi eru í samfélaginu vegna samdráttar. Tap Byggðastofnunnar á árinu 2009 var um 3 milljarðar en þetta mikla tap á rekja til hruns bankanna.
Í ræðu Aðalsteins Þorsteinssonar forstjóra Byggðastofnunnar kom fram að stofnunin starfar ef svo má segja á útjaðri íslensks lánamarkaðar, almennt á eftir bönkunum í veðröð, með meiri áhættu. Það er því ljóst að gjaldþrot bankakerfisins veldur Byggðastofnun miklum vanda. Þá sagði Aðalsteinn að langstærsti orsakavaldur þeirrar niðurstöðu sem kynnt,var að aðalfundi sé framlög í afskriftarreikning á árinu upp á 3,7 milljarða. – Fall fjármálakerfisins hefur valdið Byggðastofnun miklum búsifjum, og nemur beint tap stofnunarinnar á undanförnum 2 árum vegna gjaldþrots banka og sparisjóða eitt og sér rétt tæpum 2 milljörðum króna. Er þar um að ræða annars vegar útlánatap vegna lána til landsbyggðarsparisjóðanna, og tap á innistæðum á peningamarkaðsreikningum. Jákvæðu fréttirnar eru þó þær að hreinar vaxtatekjur stofnunarinnar hækka á milli ára um 225 mkr, og að tekist hefur að lækka rekstrarkostnað eins og mælt var fyrir um.
Í skýrslu ríkisendurskoðanda um ársreikninga Byggðastofnunnar segir ; „svo virðist sem Byggðastofnun hafi tamið sér varkárari vinnubrögð við lánveitingar heldur en ýmsar fjármálastofnanir á undanförnum árum. Þannig veitti hún aðeins lán til svokallaðra ,,rekstrarfélaga“ en ekki til eignarhalds- og fjárfestingarfélaga. Lán stofnunarinnar voru veitt til að standa undir kaupum á fasteignum, áhöldum og tækjum til atvinnurekstrar viðkomandi aðila og í nokkrum tilvikum til að breyta óhagstæðum skammtímaskuldum í lengri lán. Ekki tíðkaðist að veita lán til kaupa í beinu fjárfestingaskyni á hlutabréfum og fasteignum. Þá er ekki ósennilegt að það verklag Byggðastofnunar að leggja strax við lánveitingu mat á útlánaáhættu (og færa þá framlag á afskriftareikning) geri það að verkum að starfsmenn hennar hafi verið meira vakandi fyrir slíkri áhættu.“
Fleiri fréttir
-
Góð byrjun á árinu hjá Júdódeild Tindastóls
feykir.is Skagafjörður, Aðsendar greinar 04.04.2025 kl. 12.20Loka undirbúningur fyrir mótin á vorönninni hófst á fyrstu æfingu ársins 6. janúar.Meira -
Annað skiptið sem safninu hlotnast þessi viðurkenning
feykir.is Skagafjörður, Lokað efni 04.04.2025 kl. 12.04Á dögunum hlaut Byggðasafn Skagfirðinga viðurkenningu frá CIE Tours vegna ánægju gesta með heimsókn á safnið. CIE Tours er Írskt ferðaþjónustufyrirtæki sem var stofnað árið 1932 en fyrirtækið skipuleggur og heldur utan um ferðir í Evrópu. Í tilkynningunni segir að 2024 hafi verið annað árið í röð sem hópar frá þessu fyrirtæki sóttu safnið heim og þetta er jafnframt í annað skiptið sem safninu hlotnast þessi viðurkenning.Meira -
UMFÍ með sínar fyrstu sumarbúðir á Reykjum í sumar
feykir.is Skagafjörður, Austur-Húnavatnssýsla, Vestur-Húnavatnssýsla 04.04.2025 kl. 11.33Í sumar ætlar UMFÍ að halda sínar fyrstu sumarbúðir og verða þær staðsettar á Reykjum í Hrútafirði. Sumarbúðirnar eru ætlaðar krökkum sem eru fædd frá 2011-2013, segir á heimasíðu UMFÍ. Nú spyr ég... hafa ekki allir krakkar gott af því að prufa að fara í sumarbúðir og kynnast nýjum krökkum og hafa gaman? Þetta getur ekki klikkað!Meira -
Yndisleg kvöldstund á Löngumýri
feykir.is Skagafjörður, Lokað efni 04.04.2025 kl. 11.10Það voru fallegir tónar já eða hljómar sem komu frá Löngumýri sl.þriðjudagskvöld þegar tríóið Hljómbrá stóð fyrir vægast sagt notalegri kvöldstund. Tríóið Hljómbrá er skipað þeim Guðrúnu Helgu í Miðhúsum, Kolbrúnu Erlu á Úlfsstöðum og Írisi Olgu í Flatatungu og Rögnvaldur Valbergsson sér um undirleik.Meira -
Nýtt listaverk á Skagaströnd
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.04.2025 kl. 09.58Feykir sagði frá því um miðjan febrúar að nokkur ný ruslatunnulistaverk hafi bæst í safnið á Skagaströnd en þá var búið að mála á þrjár nýja tunnur, hver öðrum glæsilegri. Listamaðurinn sem á heiðurinn af tunnumálverkunum er Gígja Heiðrún Óskarsdóttir og nú er hún aftur á ferðinni því á dögunum bættist við ein ný tunna eftir Gígju.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.