Hamingjan er harður húsbóndi - Leiðari Feykis
Alþjóða hamingjudagurinn var víða haldinn hátíðlegur sl. mánudag, þann 20. mars, sem vildi svo vel til að hitti á vorjafndægur að vori en þá er sól beint yfir miðbaug jarðar og dagur og nótt þá jafnlöng um alla jörð. Þá er eitt víst að þá fer daginn að lengja með aukinni hamingju flestra. Þennan sama dag var opinberað að Íslendingar væru þriðja hamingjusamasta þjóð í heimi samkvæmt alþjóðlegri hamingjuskýrslu Gallup. Það eru Finnar sem reynast hamingjusama þjóðin og nágrannar þeirra Danir koma næstir.
Frá árinu 2013 hafa Sameinuðu þjóðirnar haldið upp á þennan hamingjudag sem leið til að beina kastljósi að málefninu og benda á mikilvægi hamingjunnar í lífi hvers og eins um allan heim. Hamingja er grundvallarmarkmið mannsins, segir á vef Sameinuðu þjóðanna sem settu alls 17 sjálfbær þróunarmarkmið, Heimsmarkmiðin, og voru samþykkt af fulltrúum allra aðildarríkja þess í september árið 2015.
Markmiðin 17, sem gilda til ársins 2030, eru með 169 undirmarkmið og taka bæði til innanlandsmála sem og alþjóðasamstarfs á gildistímanum, segir á heimasíðu Heimsmarkmiðanna. Aðalsmerki þeirra er að þau eru algild og því hafa aðildarríkin skuldbundið sig til þess að vinna skipulega að innleiðingu markmiðanna bæði á innlendum og erlendum vettvangi út gildistíma þeirra.
Segja má að með heimsmarkmiðunum sé leitast við að binda enda á fátækt, draga úr ójöfnuði og vernda plánetuna sem fóstrar okkur; þrír lykilþættir sem leiða til vellíðanar og hamingju.
En hver skyldu svo þessi markmið vera? Þau eru m.a. að finna á vefslóðinni heimsmarkmidin.is og eru: Engin fátækt, ekkert hungur, heilsa og vellíðan, menntun fyrir alla, jafnrétti kynjanna, hreint vatn og hreinlætisaðstaða, sjálfbær orka, góð atvinna og hagvöxtur, nýsköpun og uppbygging, aukinn jöfnuður, sjálfbærar borgir og samfélög, ábyrg neysla og framleiðsla, aðgerðir í loftslagsmálum, líf í vatni, líf á landi, friður og réttlæti og að endingu samvinna um markmiðin.
Það að Íslendingar séu mældir svo ofarlega í hamingjunni gæti komið mörgum á óvart miðað við dægurþrasið og einskins verða umræðuna sem tröllríður þjóðfélaginu í öllum miðlum. Niðrandi ummæli um fólk og gjörðir þeirra sem reyna að betrumbæta samfélagið eru mun meira áberandi en hið jákvæða og á stundum virðist allt vera á leið til andskotans.
Sem betur fer er raunin önnur. Á Íslandi er gott að búa og allir hafa möguleikann á því að hafa það gott. Margir segja að einhverjir hafi það betra en aðrir en er það svo vont. Það er hins vegar vont ef einhverjir hafa það skítt, hvernig sem sú mæling er framkvæmd, og þá ber okkur að rétta fram hjálparhönd. En það má enginn halda að það sé hægt að feta æviveginn án þess að hafa fyrir því. Lífið er eitt stórt krefjandi verkefni og ef maður leysir það farsællega og af heiðarleika fær maður umbun erfiðisins. Í því felst hamingjan!
Góðar stundir!
Páll Friðriksson, ritstjóri
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.