Gúllas, grillaður silungur og folaldalundir
Erlingur Sverrisson og Margrét Jakobsdóttir á Hvammstanga eiga uppskriftir vikunnar að þessu sinni og bjóða upp á þrjá einfalda en bragðgóða rétti.
Gúllas
- 600 gr kjöt (nauta, hrossa, kálfa, lamba)
- 3 laukar
- 2 paprikur
- 1 dós sýrður rjómi
- vatn
- paprikuduft
- salt
- matarolía
Laukurinn saxaður smátt og látinn malla í olíu þar til hann er orðinn mjúkur. Paprikudufti stráð yfir laukinn. Kjötið smátt skorið og sett út í og brúnað. Pínu vatni hellt yfir. Látið malla í 30-40 mínútur við vægan hita. Bætið örlitlu vatni í öðru hvoru. Saltið. Því næst er sýrða rjómanum bætt út í og hrært vel. Að síðustu er paprikan látin út í. Borið fram með hrísgrjónum (auðvitað River segir húsbóndinn) og brauði ef vill.
Grillaður silungur (auðvitað úr Hópinu)
Byrjað er á að skafa roðið mjög vel á silungnum og skolað vel á eftir. Silungurinn flakaður og flökin pensluð vel með góðri grillolíu. Kryddað með sítrónupipar báðum megin. Báðar hliðar grillaðar í nokkrar mínútur (má ekki grilla of lengi því þá verður fiskurinn þurr).
Borið fram með kartöflum og salati. Athugið að kryddið situr vel í roðinu og þar með er það algjört sælgæti.
Folaldalundir
Folaldalundirnar skornar þvert í ca. tveggja til þriggja cm þykkar sneiðar. Steikt á pönnu í ca. 2 mínútur á hvorri hlið til að loka kjötinu (við ágætlega háan hita). Sett í ofnskúffu. Sveppir, laukur og paprika skorið niður og sett með kjötinu í skúffuna. Steikt í ofni við ca. 180 ° í 13-18 mínútur eftir stærð kjötbitanna. Borið fram með kartöflum, bernaisesósu og salati ef vill.
Verði ykkur að góðu!
(Áður birst í Feyki 10. tbl. 2010)
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.