Gríðarleg pressa á Stólunum sem sigruðu Þórsara í gær
„Þarna mætti liðið sem við reiknuðum með í byrjun,“ segir Ingólfur Jón Geirsson stjórnarmaður í körfuknattleiksdeild Tindastóls eftir góðan sigur Stólanna á grönnum sínum Þór frá Akureyri 94-82 á Sauðárkróki í gærkvöldi. Mamadou Samb var stigahæstur Stóla með 25 stig, Pétur Rúnar Birgisson 20 og Cristopher Caird setti16 stig. Pape Seck annar Senegalanna í liðinu lék í tæpar 16 mínútur í gær og skoraði 11 stig.
Það voru gestirnir sem opnuðu markareikninginn þegar Darrel Lewis setti 2 stig á fyrrum félaga sína en forustuna héldu þeir aðeins í tæpa mínútu. Stólarnir voru ákveðnir í að gera betur en í síðasta leik og gekk það eftir þó þeir næðu aldrei að hrista Þórsarana af sér fyrr en í lokin. Leikurinn var jafn og spennandi allt fram að 33. mínútu þegar heimamönnum tókst að síga framúr eftir að staðan var jöfn 69-69 og lönduðu góðum sigri 94-82. Staðan eftir fyrsta fjórðung var 19:16, annan fjórðung 48:44 og svo þriðja 66:65.
Ingólfur Jón segist hafa verið ánægður með liðið í heild og aðspurður um erlendu leikmennina, með þá líka. Pape Seck lék ekki á móti KR þar sem hann var ekki kominn með leikheimild en hann er með Senegalskt vegabréf meðan hinn er með Spánskt. Viðar lék ekki með í gær vegna meiðsla og segir Ingólfur að hans væri sárt saknað.
Helgi Freyr Margeirsson segir að úrslit leiksins vera mikinn létti þar sem gríðarleg pressa hafi verið á liðinu. „Liðið ætlaði klárlega að gera betur en á móti KR enda var hann slæmur frá A-Ö af okkar hendi. Við komust aldrei í takt við þann leik,“ segir Helgi og viðurkennir að það hafi verið ákveðið stress fyrir þennan leik. Bæði hafi væntingarnar verið miklar til liðsins í haust og fallið þ.a.l. hátt eftir fyrsta leik og menn ætluðu sér ekki að gera sömu mistök aftur.
„Við lögðum leikinn upp frekar einfalt í sókninni, einfaldar aðgerðir og varnarlega að vera fastir fyrir og ekki hleypa mönnum inn í okkur. Við ætluðum að reyna að halda Þórsliðinu undir 20 stigunum í hverjum leikfjórðungi en það tókst ekki alltaf en vorum nálægt því. Í heildina skoruðu þeir 82 stig og þar af fimm á síðustu 40 sekúndunum. Við vorum á takmarkinu okkar. Og það skiptir máli, þannig viljum við spila, við viljum ekki fara í skorkeppni, viljum spila góða vörn. Persónulega finnst mér að við hefðum getað skilið við Þórsarana nokkrum sinnum í leiknum. Við vildum vera agressívir og vera í andlitinu á þeim og það gekk vel en við gáfum þeim allt of mörg auðveld stig.“
Sérstaka athygli vakti svokallaður Haka-dans sem stiginn var fyrir leik en þar voru á ferðinni Nýsjálendingar sem starfa á sláturhúsi KS. Óhætt er að segja að þeir hafi slegið í gegn með atriði sínu og gefið aukakraft inn á völlinn en ekki síður í áhorfendastúkuna.
Myndir Hjalta Árna frá leiknum má finna á Facebooksíðu körfuboltdeildar Tindastóls.
Fleiri fréttir
-
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira -
Nýtt upphaf – í þjónustu við þjóðina | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 11.54Við í Samfylkingunni óskum eftir þínum stuðningi til að leiða breytingar sem nauðsynlegar eru fyrir Ísland. Við höfum átt í innihaldsríku samtali við þjóðina síðastliðin tvö ár og því ætlum við að halda áfram. Það að vera í þjónustu við þjóðina þýðir að hlusta og rækta samband við fólkið í landinu. Það höfum við gert og ætlum að gera áfram. Þetta samtal er grunnurinn að stefnu Samfylkingarinnar fyrir þessar kosningar sem birtist í Planinu, þremur útfærðum tillögum í efnahagsmálum, velferðarmálum og atvinnu- og innviðamálum.Meira -
Baráttusigur Stólastúlkna í Hveragerði
feykir.is Skagafjörður, Íþróttir, Lokað efni 27.11.2024 kl. 09.10Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.