Grafinn silungur, kótilettur í tómatsósu og rabarbarakaka
Matgæðingar vikunnar að þessu sinni eru þau Jónína Helga Jónsdóttir og Halldór Pálsson bændur á Súluvöllum á Vatnsnesi í V-Hún. Uppskriftir þeirra hafa verið notaðar í mörg ár og eru búnar að sanna sig á ýmsum matgæðingum ungum sem öldnum á þeirra heimili. - Ætli það megi ekki segja að heimafengið hráefni einkenni allar uppskriftirnar þar sem sjóbirtingur veiðist hér við sjóinn, lömbin eru í túnjaðrinum og nóg er af rabarbara í garðinum, segja matgæðingarnir.
Grafinn silungur
- 6 silungaflök
- 6 msk þurrkað dill
- 3 msk gróft salt
- 1 tsk fennil
- ½ tsk pipar
- 1 msk aromat
Kryddinu blandað saman og stráð á bakka. Silungurinn lagður ofan á með roðið niður. Þekið fiskinn með kryddblöndunni. Endurtakið eftir þörfum. Gott er að snúa silungnum eftir 24 klst. Látið liggja í ísskáp í 2 sólarhringa. Síðan fryst, það er líka best að skera silunginn í sneiðar hálffrosinn.
Sósa
- 3 hlutar mayonase,
- 2 hlutar sætt sinnep,
- 1 hluti hunang,
- þurrkað dill og
- þeyttur rjómi til að gera sósuna léttari.
Þetta er borðað með ristuðu brauði sem forréttur og svo er einstaklega gott að eiga þetta í frysti ef óvænta gesti ber í garð.
Kótilettur í tómatsósu
- 12 kótilettur
- 3 msk hveiti
- 2 tsk salt
- 2 tsk karrý
- 2 tak paprikuduft
- 2 dl tómatsósa
- 2 dl vatn
- 1-2 dl rjómi
Kryddi og hveiti blandað saman í plastpoka og kótiletturnar þaktar kryddblöndunni. Brúnað vel á pönnu, vatni og tómatsósu bætt út í og látið malla undir loki í 15 mín. Rjóma bætt út í soðið, suðan látin koma upp, slökkt undir og kótiletturnar látnar liggja áfram. Borið fram með hrísgrjónum og salati og jafnvel snittubrauði.
Þessi lambakjötsréttur hefur verið á borðum hjá okkur síðan við hófum okkar búskap og alltaf virkað vel, þetta er undanfari kjötrétta með tómatpúrru og niðursoðnum tómötum og alveg eins má nota framhryggjasneiðar og ef margir eru í mat er ofninn notaður.
Í eftirrétt er rabarbarakaka enda nóg til af góðum uppskriftum með rabarbara.
Rabarbarakaka
- 500 gr rabarbari
- 100 gr smjör
- 1 bolli hveiti
- 1 bolli sykur
- 1 tsk vanillusykur
- 2-3 stk egg
Þetta gæti ekki verið auðveldara. Brytjaður rabarbari er settur í eldfast form. Smjörið brætt og þurrefnunum bætt út í og loks eggjunum, hrært saman og smurt yfir rabarbarann. Bakað við 170°C í 25-30 mín. Svo er bara að setja sitt uppáhald út í eða yfir s.s. hnetuspænir, rifið marsipan , kanil eða hvað sem er. Best er að bera þetta fram heitt með ís eða rjóma.
Verði ykkur að góðu!
*Áður birt í Feyki 2010
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.