Grænmetisréttur og frönsk súkkulaðikaka
Matgæðingurinn í 42. tbl. Feykis árið 2017 var Aldís Olga Jóhannsdóttir, Hvammstangabúi sem hefur leitað fyrir sér á ýmsum stöðum s.s. á höfðuborgarsvæðinu, á Bifröst og í Danmörku áður en hún sneri aftur til heimahaganna. Aldís er lögfræðingur að mennt og stafar sem innheimtustjóri og svæðisfulltrúi hjá HVE á Hvammstanga. „Mér finnst eilítið kómískt að vera að færa fram uppskriftir, því ég hef löngum verið talin mjög matvönd. Það er afar sjaldgæft að kjötmeti fari inn fyrir mínar varir, en matvönd er ég ekki á súkkulaði!“ segir Aldís sem reiðir fram tvær freistandi uppskriftir.
RÉTTUR 1
Fljótlegt karrígrænmeti
2 msk. kókosolía
133 g sætar kartöflur, flysjaðar og í teningum
170 g blómkál, skorið
½ laukur, smár og sneiddur
1 msk. karríduft
391 ml kókosmjólk
1 dós af tómötum í teningum
400 g kjúklingabaunir, sigtaðar og hreinsaðar
1 tsk. púðursykur
salt og pipar
hrísgrjón
Aðferð:
Hitið olíuna á pönnu á meðalháum hita. Kartöflunum skellt á pönnuna og látnar malla í þrjár mínútur. Hitinn er lækkaður í meðalhita og á pönnuna fer blómkál, laukur og karrýduft. Blandið vel og eldið í eina mínútu. Því næst á að bæta kókosmjólkinni og tómötunum við. Hrærið vel og leyfið suðu að koma upp. Lækkið þá hitann og leyfið að malla í 10 mínútur eða þar til grænmetið er orðið meyrt. Bætið þá kjúklingabaunum og púðursykri saman við. Saltið og piprið að vild. Borið fram með hrísgrjónum.
„Ég stenst ekki franska súkkulaðiköku. Bara ekki. Aldrei. Gulur, rauður, grænn og salt er með eina frábæra:“
RÉTTUR 2
Frönsk súkkulaðikaka
Botn:
2 dl sykur
200 g smjör
200 g suðusúkkulaði
1 dl hveiti
4 stk egg
Aðferð:
Egg og sykur þeytt vel saman. Smjör og súkkulaði brætt í potti við vægan hita á meðan. Hveitinu er svo blandað saman við eggin og sykurinn og svo fer súkkulaðibráðin varlega saman við. Bakað í ofni við 170°C í u.þ.b. 30 mín.
Súkkulaðibráð:
150 g súkkulaði (ég nota dökkt)
70 g smjör
2 msk síróp
Aðferð:
Sett í pott og brætt við lágan hita. Kælt eilítið og svo skellt á kökuna.
Fleiri fréttir
-
Karlafitt 550 sigraði Jólamót Molduxa
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 27.12.2024 kl. 09.48Jólamót Molduxa í körfubolta fór fram í gær, annan dag jóla, í íþróttahúsinu á Sauðárkróki. Samkvæmt venju var mótið vel sótt, bæði af hálfu keppenda og ekki síður áhorfenda en að þessu sinni tóku 10 lið þátt. Keppt var í tveimur riðlum, á tveimur völlum, frá kl. 11-16, en þá hófst úrslitaleikur efstu liða hvors riðils. Það var Karlafitt 550, sem stóð uppi sem sigurvegari mótsins og Una Aldís Sigurðardóttir hlaut þann heiður að fá Samfélagsviðurkenningu Molduxa þetta árið.Meira -
Jólaspekingar spjalla
feykir.is Skagafjörður, Austur-Húnavatnssýsla, Vestur-Húnavatnssýsla, Börnin segja, Lokað efni 27.12.2024 kl. 08.23Jólin eru hátíð barnanna og því er ekkert vit í öðru en spyrja yngstu spekingana aðeins út í nokkur lykilatriði og svörin að sjálfsögðu hreinskilin.Meira -
"Finnst mjög gaman að skapa fyrir barnabörnin"
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Handverk 26.12.2024 kl. 13.58Helga Þorbjörg Hjálmarsdóttir fædd og uppalinn á Tunguhálsi ll í Tungusveit býr með Guðmundi Guðmundssyni frá Fossum í Svartárdal á Lækjarbrekku á Steinsstöðum. Þau byggðu sér hús þar árin 1994-1995 og ólu upp sín fjögur börn sem öll eru flogin úr hreiðrinu, eiga sjö barnabörn og eitt á leiðinni. Helga starfar sem stuðningsfulltrúi í Varmahlíðarskóla og við heimaþjónustu í Skagafirði.Meira -
Aðsend Jólasaga - „Anna litla og tuskudúkka“ | Rúnar Kristjánsson
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.12.2024 kl. 13.00Anna litla sat úti í einu horninu á litlu lóðinni kringum húsið og lék sér með tuskudúkkuna sína. Það var sólskin og blíða og hún var þarna ein að dunda sér. Henni fannst svo mikils virði að fá að vera í friði með sín hugðarefni. Það var svo sjaldan hægt að fá frið, því systkinin voru mörg og oft svo hávaðasamt á heimilinu. Eldri bræður hennar þóttust orðnir heilmiklir karlar og litu á hana sem smábarn og stóra systir gat stundum verið svo mikil skessa við hana. Önnu litlu fannst hún oft vera ein í heiminum. Það var eins og enginn skildi hana eða vildi gefa sér tíma til að sinna henni.Meira -
Héldu glöð, ánægð og hrærð út í kvöldhúmið
feykir.is Skagafjörður, Lokað efni 25.12.2024 kl. 10.00Kirkjukór Glaumbæjarprestakalls lagði land undir fót í aðdraganda aðventu í byrjun nóvember og hélt til Þýskalands til að syngja á menningarnótt í Rheinsberg þar í landi. Ferðin var farin ári á eftir áætlun og Feykir hafði samband við Gunnar Rögnvaldsson á Löngumýri og bað hann að segja okkur ferðasöguna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.