Góður útisigur hjá K/H
Laugardaginn 13. júlí klukkan 16:00 mættust KM og Kormákur/Hvöt (K/H) á KR-velli í 4. deild karla. Fyrir leikinn var K/H í þriðja sæti með sautján stig en KM í því sjöunda með sex stig. K/H átti leikinn frá upphafi til enda og unnu leikinn sannfærandi 6-0.
Fyrsta mark leiksins kom á sautjándu mínútu leiksins þegar Óskar Smári kom með nákvæma sendingu til Diego Moreno Minguez sem skoraði snyrtilega. Á 29. mínútu leiksins kom annað markið eftir aukaspyrnu frá Sergio sem náði að senda boltann beint í hlaupalínu Bjarka Más sem stangaði boltann inn. Fimm mínútum síðar áttu K/H gott spil upp völlinn sem endaði með fyrirgjöf sem var of löng og alveg að fara útaf en Óskar Smári náði boltanum og kom með boltann aftur fyrir á Diego sem kláraði færið vel. Þegar dómarinn var að fara flauta til hálfleiks fékk Viktor Ingi fasta sendingu á sig rétt utan við vítateig, Viktor tók glæsilega á móti boltanum og náði góðri snertingu á milli tveggja varnarmanna og þrumaði boltanum svo í bláhornið. Staðan 4-0 í hálfleik fyrir K/H.
Menn voru aðeins slakari í markaskorun í þeim síðari en fimmta markið kom á 87. mínútu þar var á ferðinni Hilmar Þór Kárason sem fékk góða stungusendingu inn fyrir vörnina og náði hann að klára færið af yfirvegun. Þremur mínútum síðar eða á 90. mínútu fékk Dominguez Requena sendingu á miðjunni og fór hann af stað með boltann en enginn varnarmaður KM hafði áhuga að mæta honum þannig að hann lét bara vaða af 25 metrunum og boltinn söng í netinu. Lokaúrslit 6-0 sigur K/H.
K/H er aðeins fimm stigum frá toppsætinu og tveimur stigum frá öðru sætinu. Næsti leikur hjá K/H er á laugardaginn á móti Afríku og verður leikurinn spilaður á Blönduósvelli klukkan 16:00.
/EÍG
Fleiri fréttir
-
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira -
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.