Góð byrjun Stólastúlkna eftir COVID-pásuna
Fyrsti leikur Stólastúlkna að loknu COVID-hléi fór fram á Króknum í dag en þá kom sprækt lið Aftureldingar í heimsókn á gervigrasið. Mur kom heimastúlkum yfir snemma leiks en leikurinn var í jafnvægi þangað til klukkutími var liðinn af leiknum en þá fékk Taylor Bennett að líta rauða spjaldið og þjálfari gestanna leit sama lit í kjölfarið. Heimastúlkur nýttu sér liðsmuninn og gulltryggðu góðan sigur með því að bæta við þremur mörkum. Lokatölur 4-0 og Mur með þrennu.
Lið Tindastóls tefldi fram þremur nýjum leikmönnum í dag í byrjunarliði þegar leikið var í sól og sumaryl á Króknum og áttu þær allar ágætan leik þrátt fyrir að hafa lítið æft með sínu nýja liði. Eins og oft áður voru mótherjar Tindastóls liprari á boltanum og spiluðu betur sín á milli en vörn Tindastóls var sterk og beina leiðin fram nýttist liðinu vel eins og svo oft áður. Murielle Tiernan gerði fyrsta mark leiksins þegar hún nýtti styrk sinn og hraða og komst inn fyrir vörn gestanna á 16. mínútu og skoraði af öryggi. Hún fékk tvö önnur dauðafæri í fyrri hálfleik en brást bogalistin. Lið Aftureldingar var ekki síðra liðið en þeim gekk illa að skapa sér færi og staðan 1-0 í hálfleik.
Gestirnir skoruðu mark snemma í síðari hálfleik sem dæmt var af þar sem dómarinn taldi að brotið hefði verið á leikmanni Tindastóls áður. Smám saman jókst pirringurinn í liði gestanna og stanslaust dómaranöldur var ekki að gefa mikið – eiginlega síður en svo. Lið Tindastóls var fast fyrir og gaf ekki þumlung eftir eins og eðlilegt er. Eftir að gestirnir tóku aukaspyrnu á 61. mínútu og sendu boltann inn á teig Tindastóls þar sem heimastúlkur komu boltanum burtu, fékk Taylor Bennett rautt spjald. Sennilega fyrir að slá til leikmanns Tindastóls. Þjálfari gestanna gerðist hávær og krafðist skýringa og fékk þá sjálfur að líta rauða spjaldið. Fimm mínútum síðar bætti Rakel Sjöfn Stefánsdóttur við öðru marki fyrir Tindastól með góðu skoti og nú voru allar sóknir Stólastúlkna hættulegar. Lið Aftureldingar gafst ekki upp og reyndi að sækja en komst lítt áleiðis. Mur bætti við tveimur týpískum Mur-mörkum, því fyrra á 72. mínútu og því síðara á 89. mínútu eftir frábæra sendingu frá Bergljótu.
Að leik loknum fékk síðan aðstoðarþjálfari Aftureldingar að líta rauða spjaldið þannig að Mosfellingar náðu í hat-trick á þeim vígstöðvum. Ekki efnilegt!
Það var eins og oft áður að lið Tindastóls hélt boltanum ekki vel innan liðs framan af leik og það gekk ekki vel að koma Jackie í takt við leikinn en hún er búin að stríða við meiðsli undanfarið. Vörnin hélt hins vegar vel og þar stjórnaði Bryndís umferðinni eins og herforingi. Lára Mist Baldursdóttir var sterk sem djúpur miðjumaður, var fín á boltanum og vinnusöm. Hugrún og Rakel Sjöfn voru mjög líflegar á köntunum þegar leið á leikinn og vörn gestanna opnaðist. Mur var síðan sjálfri sér lík uppi á toppnum, endalaust hættuleg og viljug og uppskar verðskuldað hat-trick.
Næstkomandi sunnudag mætast síðan toppliðin í Lengjudeildinni öðru sinni en þá fara Stólastúlkur í heimsókn til Keflavíkur. Þar væri sannarlega sterkt að ná úrslitum. Áfram Tindastóll!
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.