Fylltar kjúklingabringur og frönsk súkkulaðikaka - Matgæðingar vikunnar
Að þessu sinni eru það Aðalheiður Sif Árnadóttir og Róbert Freyr Gunnarsson á Skagaströnd sem bjóða upp á girnilegar fylltar kjúklingabringur og franska súkkulaðiköku í eftirrétt. Aðalheiður og Róbert voru matgæðingar Feykis fyrir þremur árum og skoruðu þau á hjúkrunarfræðinginn Sigríði Stefánsdóttir og sjávarútvegsfræðinginn Halldór Gunnar Ólafsson að koma með næstu uppskrift.
Aðalréttur
Fylltar kjúklingabringur
4 kjúklingabringur – skorinn vasi í þær og fyllingin sett þar inn í og lokaðar lauslega með t.d. tannstönglum.
Fylling:
- 1 dós fetaostur, með olíunni.
- 1 poki Pistasíu hnetur, kjarninn tekinn og mulinn vel niður.
- 3 – 4 msk rautt pestó
Öllu blandað saman, fyllingin sett inn í bringurnar og lokað lauslega fyrir. Kryddað að eigin vali og inn í ofn á 180-200°C í 30-40 mínútur.
Sósa:
- 1 laukur, saxaður
- 1 stór poki spínat
- Rjómi (slatti)
- 1/3 flaska hvítvín (200-300ml)
- 2 msk kjúklingakraftur
Laukur og spínat steikt á pönnu upp úr olíu. Rjóma, hvítvíni og kjúklingakrafti bætt út í. Smakkað til og bragðbætt eftir þörfum. Mælum með þýsku hvítvíni sem heitir MOSELLAND ARS VITIS RIESLING.
Meðlæti:
Mjög góðar fylltar kartöflur
- Nokkrar meðalstórar kartöflur
- Sýrður rjómi
- Rifinn ostur (eftir hentugleika)
- Sveppir
- Blaðlaukur
- Steinselja
- Paprika
- Hvítlaukur
Setjið kartöflurnar í ofninn í ca. 30 mín á 180-200°C. Takið þær út, skerið til helminga og hreinsið innan úr þeim. Grænmetið saxað smátt niður og blandað við sýrða rjómann ásamt kartöfluinnvolsinu og hrærtt vel saman. Fyllið aftur í kartöflurnar og stráið osti yfir. Setjið aftur inn í ofninn í 15-20 mín.
Eftirréttur
Frönsk súkkulaðikaka
- 4 egg
- 2 dl sykur
- 200 gr smjör
- 200 gr suðusúkkulaði
- 1 dl hveiti
Þeyta egg og sykur vel saman. Bræða súkkulaði og smjör við vægan hita. Blanda hveiti saman við sykur og egg, bæta súkkulaðibráð varlega út í deigið. Baka í vel smurðu tertuformi í 45 mínútur við 170°C. Taka kökuna fljótlega úr forminu og skella á disk.
Súkkulaðibráð
- 50 gr smjör
- 100 gr suðusúkkulaði
- 1-2 mts síróp
Allt sett saman í pott og brætt saman við vægan hita og sett ofan á kökuna. Gott er að hafa þeyttan rjóma og jarðaber með.
Verði ykkur að góðu
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.