Fulltrúar Skagafjarðar mættu ekki á fund í Húnaveri
Rúmlega 30 manns sóttu opinn fund í Húnaveri á laugardaginn sem Atvinnuþróunarfélag Eyjafjarðar og Leið ehf. boðuðu til þar sem mögulegar vegstyttingar í Skagafirði og Austur-Húnavatnssýslu voru kynntar.
Tilefni fundarins var að kynna íbúum þeirra svæða sem mögulegar vegstyttingar eru til skoðunar, þær hugmyndir sem uppi eru og fá fram viðhorf þeirra og fulltrúa þeirra. Um er að ræða sveitarfélögin Húnavatnshrepp og Blönduósbæ þar sem svonefnd Svínavatnsleið er til skoðunar og Sveitarfélagið Skagafjörð og Akrahrepp þar sem til skoðunar hefur verið stytting um 6 km um svonefnda Vindheimaleið.
Vinna við aðalskipulag í sveitarfélögunum fjórum er langt komin og er ekki gert ráð fyrir þessum vegum þar en á hinn bóginn verður fjögurra ára samgönguáætlun til meðferðar á Alþingi í vetur. Því var það mat fundarboðenda að nauðsynlegt væri að fara yfir stöðu mála á breiðum grunni og helst finna leið til sátta þrátt fyrir ólíkar áherslur. Þær hugmyndir sem kynntar hafa verið af hálfu Leiðar ehf. ganga, eins og fram hefur komið, út á að vegirnir yrðu lagðir utan vegaáætlunar, í einkaframkvæmd og veggjöld innheimt til að standa undir kostnaði. Mætti því áfram gera ráð fyrir talsverðri umferð um þá vegi sem nú eru til staðar.
Stuttar framsögu fluttu Hermann Jón Tómasson, bæjarstjóri á Akureyri; Jónas Guðmundsson, formaður stjórnar Leiðar ehf.; Signý Sigurðardóttir, sviðsstjóri flutningasviðs Samtaka verslunar og þjónustu; Auðunn Hálfdánarson, frá Vegagerðinni, Ágúst Þór Bragason, bæjarfulltrúi á Blönduósi og Jens P. Jenssen, sveitarstjóri í Húnavatnshreppi.
Að framsögum loknum spunnust líflegar umræður um vega- byggða- og skipulagsmál og sýndist sitt hverjum. Þó kom fram almenn ánægja með að þessi fundur skyldi haldinn sem í raun varðaði allt Norðurland, en slíkir fundir hefðu ekki verið haldnir fyrr. Ekki voru teknar ákvarðanir um frekari aðgerðir tengdar vega- og samgöngumálum en væntanlega hefur skapast jarðvegur fyrir frekari samskipti á þessu sviði.
Af hálfu Leiðar ehf. var bent á að flest gögn sem þyrfti til að ákveða næstu skref a.m.k. að því er varðar Svínavatnsleið lægju fyrir og var þar einkum bent á skýrslu um hugsanleg samfélagsleg áhrif vegstyttingar í Austur-Húnavatnssýslu, sem nálgst má á vef Leiðar ehf.
Til fundarins var séstaklega boðið fulltrúum þeirra fjögurra sveitarfélaga þar sem styttingar eru til skoðunar svo og þingmönnum Norðvestur- og Norðausturkjördæma. Flestir boðuðu þingmenn forföll og hvorki var mætt af hálfu Akrahrepps né Sveitarfélagsins Skagafjarðar, sem áður hafði þó sent inn skriflegt erindi.
Fundinum stjórnaði af skörungsskap Anna Kristín Gunnarsdóttir, Sauðárkróki.
Fleiri fréttir
-
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornfið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira -
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.