Fréttir úr Fljótunum
Það er margt að gerast í Fljótunum þessa dagana eins og lög gera ráð fyrir á þessum árstíma og sendi Arnþrúður Heimisdóttir fréttir af því helsta en skólakrakkar fengu m.a. kennsku í að kveikja upp eld, léku lúsíur á aðventukvöldi og skreyttu laufabrauð upp á gamla mátann.
Dagurinn í dag, mánudag 14. des., byrjaði með þeirri dásamlegu aðgerð að kenna nemendum Sólgarðaskóla að kveikja upp bál (til eldunar) með timbri (en engu eldsneyti). Halldór Gunnar Hálfdansson kenndi enda alvanur á kamínu. Við byrjuðum skólann í dag á því að fara út í skógarstofu með alla nemendur (við tókum leikskólanemendurna með líka) og kveikja upp bál, hita kakó í potti yfir eldinum, og hafa það gott. Svo voru sungnir ýmsir söngvar úr sönghefti og söngvar sem nemendur hafa lært. Yndislegt, það var kolsvarta myrkur, stjörnubjart, alger kyrrð og snarkandi endurskin loga á brosandi barnsandlitum. Kveikjum eld kveikjum eld kátt hann brennur....
Aðventukvöld í Barðskirkju
Síðastliðinn sunnudag var Aðventukvöld ársins í Barðskirkju. Nemendur skólans fluttu þar Lúsíuleik sem var mjög viðeigandi því þetta var einmitt á Lúsíumessu, 13. desember. Áheyrendur voru einnig fræddir um sögu Lúsíu, en Lúsía var píslarvottur, fædd árið 283. Á Norðurlöndum stendur þessi hátíð traustum fótum, sérstaklega í Svíþjóð og Danmörku. Lúsían og englarnir sem fylgdu henni báru ljós inn í kirkjuna, sungu söngva og fluttu fallega jólasögu. Reyndar bættist svo við að sum börnin í sveitinni hafa boðið sig fram í kirkjukórinn og sungu með honum, og nokkur börn fluttu þar að auki bænir. Stundin var því mjög hátíðleg. Eftir athöfnina í Barðskirkju var kirkjukaffi í skólanum. Þetta kvöld var 9° hiti úti og vel var hægt að syngja "Kvöldið er fagurt, sól er sest og sefur fugl á grein" enda fóru leikar fljótlega svo að fullorðna fólkið sat inni og saup á kaffi en öll börnin, 1 árs og eldri, léku sér úti á spariskyrtunum í skini útiljósanna. Það voru því stoltir - og sælir - krakkar með rjóðar kinnar sem fóru heim það kvöldið.
Jólaról á Sólgörðum.
Þessa dagana er öllu sem hægt er snúið upp á jól og aðventu á Sólgörðum. Í heimilisfræði hafa t.d. verið skreytt laufabrauð að fornum sið (engin laufabrauðsjárn leyfileg), og piparkökur skreyttar, en jólalög spiluð í bakgrunninum. Í myndmennt hefur verið unnið með þæfingu og búnir þannig til jólaenglar, hin dýrðlegustu tré-jólatré útbúin, og svo handgera allir jólakort og senda skólafélögum og starfsfólki. Í íslensku og lífsleikni og söng hefur aðventuleikur verið æfður, sem var fluttur á Aðventukvöldinu í Barðskirkju síðastliðið sunnudagskvöld. Í bókmenntum og íslensku læra nemendur jólakvæði sem eru bráðnauðsynlegur hluti af íslenskri menningu, og hlusta á gamlar þjóðsögur af ýmsu tagi sem gerast á jólum (með huldufólki og ýmsum furðuverum). Þannig má halda endalaust áfram, enda er gaman að halda upp á þessa hátíð ljóss og friðar alla aðventuna, og njóta tíma myrkursins á Íslandi, og andstæðu myrkursins sem birtist í ljósum og litum þessarrar vetrarhátíðar.
Fleiri fréttir
-
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornfið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira -
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.