Framkvæmdastjóra Iceprótein og Protís sagt upp störfum
Dr. Hólmfríði Sveinsdóttur, sem stýrt hefur IceProtein og Protis á Sauðárkróki, hefur verið vikið úr starfi framkvæmdastjóra en fyrirtækin eru í eigu Fisk Seafood. Hluti af ýmsum skipulagsbreytingum sem gerðar hafa verið innan Fisk Seafood á undanförnum mánuðum, segir Friðbjörn Ásbjörnsson, framkvæmdastjóri Fisk Seafood.
Starfsemi Iceprotein ehf. og Protis ehf. hafa vakið mikla athygli en það fyrrnefnda var sett á laggirnar fyrir rúmum áratug í framhaldi af rannsóknarverkefninu Fiskprótein sem fæðubótarefni sem Matís ohf, áður Rannsóknastofnun fiskiðnaðarins, stóð að í samvinnu við nokkur sjávar- útvegsfyrirtæki.
Protis ehf. hefur hins vegar sérhæft sig í þróun, framleiðslu og sölu á lífvirku fiskprótíni úr þorski en hlutverk fyrirtækisins er að skapa verðmæti með því að þróa og markaðssetja heilsuvörur úr íslensku hráefni, sem aflað og unnið er á sjálfbæran hátt, fyrir viðskiptavini sem leita eftir hágæða náttúrulegum vörum. Þekktar eru heilsuvörur fyrirtækisins, Liðir, Endurheimt, Úthald og Kollagen og Hólmfríður, sem hefur meistaragráðu í næringarfræði og doktorspróf í matvælafræði, er höfundur að og hefur þróað.
Þá hefur hún fengið ýmsar viðurkenningar fyrir frumkvöðlastarf sitt m.a. hjá Félagi kvenna í atvinnurekstri, og árið 2016 hlaut hún Hvatningarverðlaun sjávarútvegsins. Fimm konur starfa nú sem sérfræðingar hjá Iceprotein sem sinna rannsóknum og þróun í matvæla og fóðuriðnaði.
„Ég get staðfest þessa breytingu í mannahaldi Protis ehf. og Iceprotein ehf. en Hólmfríður gegndi starfi framkvæmdastjóra í þeim báðum. Breytingin er hluti af ýmsum skipulagsbreytingum sem gerðar hafa verið innan Fisk Seafood á undanförnum mánuðum. Tilgangurinn með þessum breytingum er meðal annars að einfalda skipurit starfseminnar sem rekin er undir merkjum Fisk Seafood með því m.a. að breyta sjálfstæðum félögum sem til þessa hafa haft sinn eigin framkvæmdastjóra í sjálfstæðar deildir innan Fisk Seafood. Starf framkvæmdastjóra Protis og Iceprotein er því lagt niður og þar af leiðandi er ekki fyrirhugað að ráða annan í það starf sem Hólmfríður gegndi,“ segir Friðbjörn. Engar aðrar breytingar en framangreindar eru fyrirhugaðar á stefnu eða þeirri starfsemi sem félögin hafa gegnt til þessa, að sögn Friðbjörns.
Hólmfríður vildi ekki tjá sig um breytingarnar þegar eftir því var leitað.
Fleiri fréttir
-
Jólabarnaball í sal FNV í dag kl. 17:00
feykir.is Skagafjörður, Austur-Húnavatnssýsla, Vestur-Húnavatnssýsla 27.12.2024 kl. 11.14Hið árlega Jólabarnaball verður haldið á sal Fjölbrautaskólans á Sauðárkróki í dag, föstudaginn 27. des. kl. 17:00. Að vanda eru allir hjartanlega velkomnir – börn og fullorðnir. Nemendur í 10. bekk Árskóla syngja og dansa við jólatréð og svo mæta að sjálfsögðu jólasveinarnir með glaðning handa krökkunum ... Hóhó!Meira -
Karlafitt 550 sigraði Jólamót Molduxa
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 27.12.2024 kl. 09.48Jólamót Molduxa í körfubolta fór fram í gær, annan dag jóla, í íþróttahúsinu á Sauðárkróki. Samkvæmt venju var mótið vel sótt, bæði af hálfu keppenda og ekki síður áhorfenda en að þessu sinni tóku 10 lið þátt. Keppt var í tveimur riðlum, á tveimur völlum, frá kl. 11-16, en þá hófst úrslitaleikur efstu liða hvors riðils. Það var Karlafitt 550, sem stóð uppi sem sigurvegari mótsins og Una Aldís Sigurðardóttir hlaut þann heiður að fá Samfélagsviðurkenningu Molduxa þetta árið.Meira -
Jólaspekingar spjalla
feykir.is Skagafjörður, Austur-Húnavatnssýsla, Vestur-Húnavatnssýsla, Börnin segja, Lokað efni 27.12.2024 kl. 08.23Jólin eru hátíð barnanna og því er ekkert vit í öðru en spyrja yngstu spekingana aðeins út í nokkur lykilatriði og svörin að sjálfsögðu hreinskilin.Meira -
"Finnst mjög gaman að skapa fyrir barnabörnin"
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Handverk 26.12.2024 kl. 13.58Helga Þorbjörg Hjálmarsdóttir fædd og uppalinn á Tunguhálsi ll í Tungusveit býr með Guðmundi Guðmundssyni frá Fossum í Svartárdal á Lækjarbrekku á Steinsstöðum. Þau byggðu sér hús þar árin 1994-1995 og ólu upp sín fjögur börn sem öll eru flogin úr hreiðrinu, eiga sjö barnabörn og eitt á leiðinni. Helga starfar sem stuðningsfulltrúi í Varmahlíðarskóla og við heimaþjónustu í Skagafirði.Meira -
Aðsend Jólasaga - „Anna litla og tuskudúkka“ | Rúnar Kristjánsson
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.12.2024 kl. 13.00Anna litla sat úti í einu horninu á litlu lóðinni kringum húsið og lék sér með tuskudúkkuna sína. Það var sólskin og blíða og hún var þarna ein að dunda sér. Henni fannst svo mikils virði að fá að vera í friði með sín hugðarefni. Það var svo sjaldan hægt að fá frið, því systkinin voru mörg og oft svo hávaðasamt á heimilinu. Eldri bræður hennar þóttust orðnir heilmiklir karlar og litu á hana sem smábarn og stóra systir gat stundum verið svo mikil skessa við hana. Önnu litlu fannst hún oft vera ein í heiminum. Það var eins og enginn skildi hana eða vildi gefa sér tíma til að sinna henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.