Frábær skemmtun í Síkinu en tap gegn KR þó staðreynd
KR-ingar komu í heimsókn í Síkið í kvöld og höfðu sigur í spennandi og skemmtilegum leik. Gestirnir náðu góðri forystu strax í upphafi og virtust ætla að rústa liði heimamanna. Tindastóll með Helga Viggós og Svavar Birgis í fararbroddi mættu hinsvegar ákveðnir til leiks í öðrum leikhluta og komust Stólarnir með harðfylgi inn í leikinn. Lokatölur urðu 107-114 fyrir KR.
Hún var frekar dauf stemningin í Síkinu fyrstu mínútur leiksins enda virtist lítill kraftur og lítið sjálfstraust vera í heimamönnum sem misstu KR-inga alltof langt framúr sér í fyrsta leikhluta. Staðan 19-35. En í öðrum leikhluta kom allt annað lið til leiks hjá Stólunum og strákarnir hófu þegar að saxa á forskot gestanna. Staðan í hálfleik var 46-54.
Áfram héldu Tindastólsmenn í síðari hálfleik og spiluðu svæðisvörn sem virtist setja KR-inga út af laginu um tíma. Stólarnir komust yfir 67-66 en KR með Semaj í miklum ham létu ekki deigan síga og náðu 5-6 stiga forystu. Stólarnir áttu þó síðasta orðið í þriðja leikhluta og staðan 78-79.
Baráttan hélt áfram í fjórða leikhluta og stemningin í Síkinu svolítið sérstök. Stólarnir voru vel studdir en fólk horfði engu að síður á leikinn nánast með andakt. Svavar og Michael voru magnaðir í liði Tindastóls en refurinn Helgi Rafn var engum líkur í kvöld og spilaði örugglega sinn langbesta leik fyrir Stólana. Þegar upp var staðið reyndust gestirnir hafa meiri breidd en það sem gerði gæfumuninn í kvöld var að Tommy Johnson steig upp fyrir KR-inga á lokakaflanum þegar leikurinn var í járnum. Kappinn setti niður nokkra þrista og var nokkuð öruggur í vítaskotunum. Lokatölur 107-114.
Helgi Rafn var í alveg ógurlegu stuði í kvöld, gerði 33 stig í flestum regnbogans litum og svo barðist hann eins og ljón í vörninni í viðureign við landsliðskempuna Fannar Ólafsson. Svavari er greinilega ekkert of vel við að Helgi sé að yfirtrompa sig í stigaskorinu en varð að lúta í dúk en gerði þó 28 stig. Annars áttu Stólarnir að mestu góðan leik utan fyrsta leikhluta þar sem menn virtust hreinlega ekki tilbúnir í slaginn. En leikurinn gefur góð fyrirheit og ætti að sýna leikmönnum að það er ýmislegt hægt þó ekki sé kani við höndina. Og þvílík skemmtun - nú viljum við sigur næst!
Stigaskor Tindastóls: Helgi Rafn 33, Svavar 28, Michael 14, Helgi Freyr 13, Axel 12, Friðrik 5 og Hreinn 2.
Fleiri fréttir
-
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornfið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira -
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.