Fiskisúpan úr brúðkaupsveislunni og hjónabandssæla á efti
Hjónin Friðrik Már Sigurðsson og Sonja Líndal Þórisdóttir, ábúendur á Lækjamóti í Víðidal, voru matgæðingar vikunnar í 38. tölublaði Feykis árið 2015.
„Við giftum okkur í Víðidalstungukirkju þann 4. júlí sl. Við áttum yndislegan brúðkaupsdag, þar sem við buðum vinum og ættingjum að njóta hans með okkur. Í veislunni höfðum við fiskisúpu sem vakti mikla lukku og runnu út fleiri lítrar en nokkurn hafði grunað enda fólk svangt eftir að hafa riðið heim úr kirkjunni. Súpunni var mikið hælt og finnst okkur því kjörið að deila hér með lesendum Feykis uppskrift að fiskisúpu sem okkur þykir góð. Þennan dag var líka á boðstólnum afbragðs hjónabandssæla. Við látum einnig uppskriftina af henni fylgja með.“
Aðalréttur
Fiskisúpa
4 gulrætur
2 laukar
1 sellerístöngull
1 paprika
nóg af smjöri til að steikja
ríflegt af timían
3-4 stk lárviðarlauf
3-4 dl hvítvín
1½ l fiskisoð
tæplega ein dós tómatpúrre
3-4 msk mangó chutney
5 dl rjómi
ljós jafnari til að þétta áferðina
600-700 g af þorski, laxi eða löngu
Aðferð:
Skerið grænmetið smátt og steikið í smjörinu ásamt timían, látið örlítið malla og meyrna. Hellið því næst hvítvíninu yfir og sjóðið í smá stund áður en fisksoðinu er bætt saman við. Bætið tómatpúrre og mangó chutney við og saltið og piprið eftir smekk. Bætið rjómanum út í og leyfið suðunni að koma upp. Skerið fiskinn í góða munnbita og jafnið súpuna örlítið áður en honum er bætt saman við. Súpan er því næst látin malla á lágum hita í 2 mínútur eftir að fiskinum hefur verið bætt í áður en hún er borin fram. Ef um veislu er að ræða þar sem fiskurinn þarf að halda sér vel er langa hentugasti fiskurinn.
Eftirréttur
Hjónabandssæla
2½ bolli hveiti
3 bollar haframjöl
2 bollar púðursykur
1 tsk lyftiduft
3 tsk natron
smá salt
1 egg
250 g lint smjör
rabbarbarasulta
Aðferð:
Þurrefnunum er blandað saman (hveiti, haframjöli, púðursykri, lyftidufti og natroni). Linu smjöri og eggi bætt út í og hrært. Um það bil ⅔ hluta af deiginu er þrýst mjög vel í botninn, því næst kemur lag af rabbarbarasultu og restin af deiginu er síðan mulin ofan á. Hjónabandssælan er bökuð á blæstri við 175°C í um það bil 25-30 mínútur eða þar til hún er orðin fallega gullinbrún.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.