FIFA ´09 mót fór fram í Félagsheimilinu á Blönduósi um helgina
FIFA mót var haldið síðastliðna helgi í Félagsheimilinu á Blönduósi og var mætingin nokkuð góð eða 22 manns. Þetta mót var fyrsta sinnar tegundar á Blönduósi og því erfitt að segja til um hvernig áhuginn yrði og skipuleggjendur renndu blint í sjóinn með þátttökuna.
Fyrir þá sem ekki þekkja til, þá var spilað á Playstation 3 leikjatölvu fótboltaleikinn Fifa 09 sem er mjög vinsæll tölvuleikur meðal unga fólksins og einnig sumum eldri. Spilað var á tveimur skjávörpum og tveimur 32“ sjónvörpum og því var hægt að fylgjast með fjórum leikjum í einu og stemningin var mjög góð. Pizzutilboði frá Pottinum og pönnunni var vel tekið og rifu hungraðir spilarar í sig ilmandi flatbökur sem ferjaðar voru í Félagsheimilið. Eftir riðlakeppnina hurfu sumir á brott en allir fengu að gjöf nokkra fótboltapakka með fótboltamyndum frá Samkaup.
Hámark keppninnar var að sjálfsögðu sjálfur úrslitaleikurinn en hann spiluðu þeir Sveinbjörn Guðlaugsson 20 ára og Patrick Zamuner 10 ára. Úrslitaleikurinn stóð svo sannarlega undir væntingum og var vægast sagt æsispennandi. Sveinbjörn komst í 1-0, 2-1, þá komst Patrick yfir 2-3 og virtist ætla að sigra þegar Sveinbjörn jafnar leikinn í uppbótartíma og því varð að grípa til framlengingar. Þar komst Sveinbjörn aftur yfir á 94. mínútu og ætlaði sér sigurinn, en þegar menn neita að gefast upp þá er allt hægt og það tókst hjá Patrick að jafna leikinn á síðustu sekúndum leiksins eða á 120. mínútu og staðan 4-4. Það var svo Patrick sem sigraði í vítaspyrnukeppni 4-2 eða samtals 8-6. Að sigurlaunum fékk Patrick nýjustu útgáfuna af leiknum FIFA 10.
Aðstandendur keppninnar stefna á að halda annað svona mót í byrjun nýs árs og þá verður keppt í FIFA 10 sem er nýjasti leikurinn.
/Húni.is
Fleiri fréttir
-
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira -
Ísmót á Svínavatni
feykir.is Austur-Húnavatnssýsla, Lokað efni 14.03.2025 kl. 09.45Til stendur að halda Ísmót á Svínavatni laugardaginn 22. mars eða sunnudaginn 23. mars það getur verið áskorun á Íslandi að ákveða dagsetningu fyrir þessa tegund af móti því þetta verður ekki gert nema veður, ís og önnur skilyrði reynast í lagi.Meira -
Stærsta gjöf í sögu Skagfirðingasveitar | Hafdís Einarsdóttir skrifar
feykir.is Skagafjörður, Aðsendar greinar 14.03.2025 kl. 09.30Á laugardaginn fáum við í Skagfirðingasveit rausnarlegustu gjöf í sögu björgunarsveitarinnar afhenta. Flestir hér í Skagafirði þekkja væntanlega raunasöguna um það hvernig nýjum og fullkomnum björgunarbáti sem við höfðum keypt og greitt fyrir var að stórum hluta til beinlínis stolið af okkur. Báturinn var því aldrei smíðaður og hátt í tíu milljónir króna sem við höfðum safnað fóru í súginn. Færri vita e.t.v. að FISK Seafood, sem styrkt hafði kaupin með umtalsverðum hætti ákvað að bæta okkur skaðann með því að fjármagna að fullu nýjan og jafnvel enn fullkomnari björgunarbát. Andvirði bátsins, sem hlotið hefur nafnið Aldan, er um 20 milljónir króna og þarf kannski ekki að taka það fram að þessi gjöf er sú langstærsta sem Skagfirðingasveit hefur nokkru sinni veitt viðtöku.Meira -
Ákveðið að selja skrifstofuhúsnæði sveitarfélagsins við Faxatorg
feykir.is Skagafjörður, Lokað efni 14.03.2025 kl. 08.09Á fundi sveitarstjórnar Skagafjarðar þann 12. mars sl. var samþykkt samhljóða að selja skrifstofuhúsnæði í eigu sveitarfélagsins við Faxatorg á Sauðárkróki. Feykir spurði Einar E. Einarsson (B), forseta sveitarstjórnar, út í ástæður þess að Skagafjörður leitast nú við að selja eigninaMeira -
Þriðja mótið í Skagfirsku mótaröðinni framundan
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 13.03.2025 kl. 15.30Þriðja mótið í Skagfirsku mótaröðinni verður haldið í Svaðastaðahöllinni 22.mars næstkomandi kl 10:00. Keppt verður í Tölti og skeiði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.