Íbúum í Skagafirði fjölgar mest
Íbúum Skagafjarðar fjölgaði um 64 íbúa eða 1,5 prósent á tímabilinu frá 1. desember 2022 til 1. ágúst 2023, sem er mesta fjölgunin í einstaka sveitarfélagi á Norðurlandi vestra. Íbúar Skagafjarðar eru nú 4382 talsins.
Sigfús Ingi Sigfússon, sveitarstjóri Skagafjarðar, telur að ýmsar skýringar séu að baki þessum tölum. Þarna sé um að ræða fólk og fjölskyldur sem eru að flytja hingað í talsverðum mæli, bæði fólk sem á rætur að rekja hingað og þekkir því vel til kosta svæðisins en einnig fólk sem er að flytja vegna þess einfaldlega að hér hafa verið spennandi störf í boði.
Jafnframt er nokkuð um fólk með erlent ríkisfang sem er að flytja til Skagafjarðar og þar á meðal getur verið um að ræða fólk sem er að flytja hingað tímabundið vegna vinnu en einnig fjölskyldur sem eru að setjast hér að til langframa.
„Hér er atvinnuástand mjög gott og mikil eftirspurn eftir fleiri höndum til vinnu í mjög fjölbreytt störf. Fasteignamarkaðurinn er einnig nokkuð virkur hér og talsvert byggt. Þá höfum við náð því nokkuð vel að vera með framboð leikskólarýma fyrir börn frá u.þ.b. 12 mánaða aldri en ljóst að við þurfum að vera á tánum hvað það varðar ef raunfjölgun íbúa heldur áfram að vera umfram það sem við áætlum í húsnæðisáætlun okkar og aðalskipulagi,“ segir Sigfús í samtali við Feyki.
Að lokum segir hann að þjónusta og almennir innviðir séu hér einnig góðir og mannlífið framúrskarandi svo því sé til haga haldið af meðfæddri skagfirskri hógværð eins hann orðar það svo skemmtilega.
Fjölgun í Húnabyggð en fækkun á Skagaströnd
Íbúafjöldi Húnabyggðar jókst um 17 manns eða um 1,3 prósent og stendur nú í 1314 manns.
Fjöldi íbúa í Húnaþingi vestra stóð nær alveg í stað, fækkaði um einn íbúa (0,1 prósent) og búa þar nú 1258 manns.
Íbúum Sveitarfélagsins Skagastrandar fækkaði um flesta, 14 manns (2,9 prósent), þar búa nú 469 manns en hlutfallslega mesta fækkunin var í Skagabyggð þar sem íbúum fækkaði um 3,4 prósent, heila þrjá íbúa en heildarfjöldinn þar telur nú 86 manns.
Athygli vekur að nú eru yfir 20 þúsund íbúar á Akureyri - sennilega í fyrsta skipti en þó er hlutfallslega meiri fjölgun á Sauðárkróki en Akureyri frá áramótum og jafn mikil í Húnabyggð. Íbúar á Norðurlandi vestra eru nú yfir 7500 talsins.
/SMH
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.