Eins og létt æfing hjá Njarðvíkingum
Tindastóll fékk lið Njarðvíkur í heimsókn í Síkið í gær en ekki virtist matarlist Króksaranna mikil því Njarðvíkingar léku við hvurn sinn fingur og unnu næsta auðveldan sigur, 79-106. Það sem helst fór fyrir brjóstið á stuðningsmönnum Tindastóls var lítið sjálfstraust og ráðaleysi sem einkenndi leik heimamanna gegn sterku liði gestanna.
Heimamenn lentu í villuvandræðum strax í fyrsta leikhluta en áður en honum lauk voru bæði Svavar og Kenney komnir með þrjár villur. Það var því ljóst að þeirra framlag yrði ekki eins og til var ætlast og sátu þeir kappar talsvert utan vallar og gátu ekki beitt sér sem skildi í varnarleiknum þegar þeirra naut við. Oft virtust villur gefnar fyrir litlar sakir en þessi gjafmildi dómaranna bitnaði meira á liði Tindastóls þar sem villurnar dreifðust ekki á jafn marga leikmenn og hjá Njarðvíkingum. Alls náðu þeir félagar að dæma 53 villur í leiknum.
Leikmenn fóru rólega af stað og lítið var skorað fyrstu 4-5 mínúturnar. Njarðvíkingar höfðu þó yfirhöndina frá byrjun en Tindastólsmenn héldu í við gestina fram á lokamínútu fyrsta leikhluta en þá gerðu Njarðvíkingar þrjár körfur í röð, staðan í hálfleik 16-25.
Þrátt fyrir að Svavar og Kenney sætu á bekknum megnið af öðrum leikhluta börðust Stólarnir fyrir sínu í öðrum leikhluta en líkt og í fyrsta leikhluta enduðu gestirnir leikhlutann með glæsibrag og komu muninum í 15 stig. Staðan í hálfleik 39-54.
Gestirnir keyrðu upp hraðann í þriðja leikhluta og oft virtist sem þeir væru á léttri æfingu. Munurinn fór yfir 20 stigin og mest í 30 stig í stöðunni 50-80. Tindastólsmenn virtust ráðalitlir en komust sem betur fer á vítalínuna af og til. Michael var drjúgur í fjórða leikhluta og Sigmar Björns sýndi góða baráttu þær mínútur sem hann var inná. Lokatölur sem fyrr segir 79-106
Sigur Njarðvíkinga var leiðinlega auðveldur í gærkvöldi og því miður virtist skorta leikgleði og sjálfstraust hjá heimamönnum. Kenney Boyd sýndi ágæta takta í leiknum en það er synd að kappinn er ekki í formi og því varla hálfur maður. Aðrir leikmenn voru ekki heldur upp á sitt besta en Michael var stigahæstur Tindastólsmanna með 19 stig.
Njarðvíkingar skoppuðu hins vegar um Síkið uppfullir af öryggi enda hópurinn breiður og sterkur og sýndu leikmenn þeirra oft lagleg tilþrif. Sigur þeirra virkaði fyrirhafnarlítill.
Karl Jónsson þjálfari hafði þetta að segja við heimasíðu Tindastóls þegar hann var spurður út í leikinn: “Við vorum að spila gegn besta liði landsins um þessar mundir, í því eru margir landsliðsmenn og þeir hafa nú fengið einn litríkasta kanann sem spilað hefur hér á Íslandi. Hann veit nákvæmlega til hvers er ætlast af honum og hér þekkir hann allar aðstæður. Það var margt jákvætt í leik okkar, við lögðum upp með að hleypa þeim ekki í einhverja skotsýningu að utan og við náðum framan af leik að halda okkur á pari við planið okkar. Við misstum þá hins vegar of langt fram úr okkur undir lok fyrri hálfleiks og vorum klaufar að gera það. Auk þess misstum við lykilmenn í villuvandræði sem hafði vissulega áhrif á okkar leik. En við ætlum okkur að taka það jákvæða úr þessum leik með okkur í leikinn á móti Grindvíkingum á sunnudaginn í bikarnum og halda áfram að bæta okkur.”
Stigaskor Tindastóls: Michael 19, Kenney 16, Axel 10, Friðrik 9, Svavar 9, Helgi Freyr 8, Helgi Rafn 6 og Sigmar Logi 3.
Fleiri fréttir
-
Tómar tilviljanir urðu til þess að Andri Már er óvart kominn með hljómsveit í Mexíkó
feykir.is Skagafjörður, Listir og menning, Lokað efni 15.03.2025 kl. 22.41„Veðrið er frábært! Núna er klukkan átta að morgni og hitinn er um 10 gráður, svo fer hitinn upp í 25-30 gráður yfir daginn svo það er eins gott að eiga góðan kúrekahatt til að skýla sér fyrir sólinni,“ segir Andri Már Sigurðsson, tónlistarmaður og Króksari í Mexíkó, þegar Feykir tekur hann tali og byrjar að sjálfsögðu á því að spyrja um veðrið. Viðtalið snýst þó ekki um veður, heldur tónlist og hvernig Andri Már stofnaði óvart hjómsveit í MexíkóMeira -
Gestirnir höfðu betur í baráttuleik
feykir.is Skagafjörður, Íþróttir, Lokað efni 15.03.2025 kl. 21.28Það var boðið upp á markaveilsu í blíðunni á Króknum í dag þegar lið Tindastóls tók á móti sameinuðu liði Hattar/Hugins að austan í Lengjubikarnum. Jafnt var í hálfleik, 1-1. en fjör færðist í markaskorunina í síðari hálfleik og fór svo á endaum að gestirnir unnu leikinn 3-4 eftir mark í uppbótartíma.Meira -
Það er sjö stiga hiti í veðurkortunum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 15.03.2025 kl. 21.21Það er ekki ólíklegt að flestir aðrir en skíðavinir gleðjist yfir veðurspánni næstu daga. Það eru vorhlýindi í kortunum og stöðugleikinn svo einstakur að sumir gætu jafnvel haldið að vefur Veðurstofunnar væri bilaður – þannig er til dæmis spáð sjö stiga hita á hádegi á Sauðárkróki næstu fimm daga eða alveg fram á fimmtudag hið minnsta.Meira -
Stefnt að endurnýjun rafkerfisins í kirkjugarði Blönduóss
feykir.is Austur-Húnavatnssýsla, Mannlíf 15.03.2025 kl. 21.19Húnahornfið segir frá því að á aðalfundi Kirkjugarðs Blönduóss, sem fram fór 12. mars síðastliðinn, var samþykkt að á næstu þremur árum yrði unnið að endurnýjun rafmagnskerfisins í kirkjugarðinum og að sett yrði upp tenglahús fyrir jólaljósin. Þá var samþykkt að ganga frá göngustígum í nýjasta hluta garðsins og setja mottur, eins og eru á stígunum sem liggja í gegnum garðinn. Lausleg kostnaðaráætlun vegna þessara framkvæmda er um átta milljónir króna.Meira -
Njarðvíkingar brugðu fæti fyrir lið Tindastóls
feykir.is Skagafjörður, Íþróttir, Lokað efni 14.03.2025 kl. 09.48Tindastólsmenn spiluðu í gær við lið Njarðvíkur í spunkunýju Ljónagryfjunni í næstsíðustu umferðinni í Bónus deildinni þennan veturinn. Umræðan hjá spekingum hefur mestmegnis verið á þá leið að það væri nánast formsatriði fyrir Stólana að tryggja sér deildarmeistaratitilinn en útileikur í Njarðvík og heimaleikur gegn Val eru ekki beinlínis léttasta leiðin að deildarmeistaratitlinum þegar allt er í járnum. Það fór svo að Njarðvíkingar voru frískari og þá sér í lagi byrjunarlið þeirra sem skoraði öll stig liðsins utan einhverra sex sem SnjólfurStefánsson gerði. Lokatölur voru 101-90.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.