Edu gengur til liðs við Gránu Bistró
Nýverið tók nýr kokkur við keflinu á Gránu Bistró á Sauðárkróki. En Edu frá Frostastöðum hefur nú tekið við eldhúsinu og birti nýjan matseðil á dögunum. Á Gránu er lögð áhersla á gæðahráefni úr héraði og að vera með eitthvað létt, ferskt og spennandi í hádeginu. Edu er skagfirskum matgæðingum vel kunnur en hann hefur m.a. verið á Hótel Varmahlíð, Deplum og Hofsstöðum.
Grána Bistró er notalegur veitingastaður við Aðalgötuna á Sauðárkróki, í gömlu verslunarhúsnæði Kaupfélags Skagfirðinga. Þar má fá gott kaffi, gómsætar kökur og heitan mat í hádeginu. Þá er vinsælt að halda þar ýmsa viðburði, fundi, vinnustofur, tónleika, uppistand, ráðstefnur og svo mætti lengi telja.
Á nýja matseðlinum má finna hinn vinsæla rétt fisk&franskar, matarmiklar grænmetissúpur og í stað vefjanna er nú grilluð súrdeigsbrauð með lambasteik og heimagerðri bernaise eða grilluðum kjúkling og beikoni, svo má finna þar brauð með hummus og litríkt kínóasalat.
Hlakka til að bjóða upp á góðan og fallegan mat
Edu kemur frá Buenis Aires í Argentínu og á matvælaframleiðslufyrirtækið Austan Vatna ásamt konu sinni, Ingu Dóru Þórarinsdóttur, en þau framleiða m.a. chimichurri steikarsósu, Chorizo pylsur og ærborgara svo fátt eitt sé nefnt. Austan Vatna hlaut viðurkenninguna Framúrskarandi verkefni á sviði atvinnuþróunar og nýsköpunar frá SSNV árið 2022.
Freyja Rut, framkvæmdastjóri 1238 og Gránu Bistró segist fagna mjög komu Edu til Gránu „Það er frábært að hafa fengið Edu til liðs við okkur, hann hefur mikla reynslu og fullt af nýjum og ferskum hugmyndum. Við hlökkum mikið til að geta boðið Skagfirðingum og gestum þeirra góðan og fallegan mat í þessu notalega andrúmslofti sem Grána er löngu orðin þekkt fyrir, við höfum opið í hádeginu alla virka daga, frá kl. 11-15 og einnig er tekið á móti hópum á kvöldin. Svo höfum við verið með nokkur pop-up sem við munum halda áfram að þróa með haustinu.“
Myndir: Gunnhildur og Grána
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.