Dúndurstemmari á Tindastuði þrátt fyrir rok og rigningu
Það var allt að gerast á skíðasvæðinu í Tindastólnum á laugardaginn, lyftan á fullu, skíðagöngunámskeið seinni partinn og Tindastuð um kvöldið þar sem Úlfur Úlfur, Gusgusar og Flóni skemmtu góðum hópi gesta sem lét rok og rigningu ekki eyðileggja fyrir sér stemninguna í brekkunni.
Veðurspáin sl. fimmtudag var afar hagstæð fyrir Tindastuð þar sem brettahetjur og svalt tónlistarfólk ætlaði að skemmta gestum. Skjótt skipast hins vegar veður í lofti hér á Fróni og frá því að spá smá golu og úrkomuleysi var Veðurstofan búin að skipta yfir í hellidembu og um 20 metra að sunnan og það bara svona rétt á meðan að Tindastuðið átti að fara fram.
Það voru því ekki aðstæður til að sýna brettakúnstir en tónlistarfólkið lét bræluna ekki stöðva sig. „Þetta var dúndurstemmari þótt veðurguðirnir hafi ekki verið í stuði,“ sagði Sigurður Hauksson, umsjónarmaður skíðasvæðisins, þegar hann var spurður hvernig til hafi tekist. „Fínasta mæting og mikið líf í fólkinu þrátt fyrir leiðinlegt veður en það er ákveðin sjarmi og stemning í þessu líka. Enda skíðafólk ýmsu vant þegar farið er til fjalla.“
Íslandsmótið í Snocross á laugardaginn
Siggi segir að það hafi síðan snjóað um nóttina og þó svo rignt hafi eldi og brennisteini sl. laugardagskvöld sé fullt af snjó á svæðinu. Og ekki veitir af því nk. laugardag fer þriðja umferð Íslandsmótsins í Arctic Cat Snocross fram á svæðinu.
„Mæting hefur verið góð!“ segir Siggi þegar hann er spurður út í aðsóknina á svæðið í vetur. „Við vorum fyrsta skíðasvæðið á landinu til að opna og það hefur verið vel mætt þegar veðurguðirnir leyfa okkur að opna! Skrítinn vetur veðurlega séð en stormarnir hafa skilið eftir flott magn af snjó sem dugar fram yfir páska.“
Hér má sjá nokkrar myndir frá Tindastuði sem @solstefphography gaf góðfúslegt leyfi að birta.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.