Dominique Toussaint er nýr leikmaður Stólastúlkna í körfunni
Körfuknattleiksdeild Tindastóls hefur gengið frá ráðningu á bandarískum leikmanni fyrir kvennalið Stólanna. Hún heitir Dominique Toussaint og er 22 ára, 175sm á hæð, alhliða leikmaður sem getur leyst allar stöður á vellinum að sögn Árna Eggerts Harðarsonar þjálfara.
Samkvæmt upplýsingum Feykis var Dominique í byrjunarliðinu í þrjú ár í Virginia háskólanum sem spilar í ACC riðlinum sem er einn sá sterkasti í bandaríska háskólaboltanum. Á háskólaferlinum var hún með 10.7 stig, 3.6 fráköst, 3.2 stoðsendingar, og 1.1 stolinn bolta að meðaltali. Endaði ferilinn á topp 10 lista allra tíma hjá skólanum í stoðsendingum og þriggja stiga körfum, ásamt því að vera í topp 20 í skoruðum stigum. All-ACC Freshman Team (topp 5 nýliðar) á sínu fyrsta ári í skólanum.
Að sögn Árna Eggerts var hún í úrtaki fyrir U16, U17 og U18 landslið Bandaríkjanna en komst ekki í 12 manna liðið. Hún kemur frá New York og var einn besti leikmaðurinn þar í High School í mjög góðum skóla, Christ the King. Árið 2016 var hún High School leikmaður ársins í New York.
„Við erum mjög spennt fyrir komu Dominique í Skagafjörðinn, fjölhæfni hennar og leikstíll á eftir að blandast vel inn í kjarnann sem við erum að byggja upp. Við berum miklar vonir til þess að hún hjálpi liðinu að taka næsta skref,“ segir Árni Eggert og bætir við: „Hún er umfram allt dugleg sem er nauðsynlegur eiginleiki til að spila fyrir Tindastól.“
Von er á frekari fréttum af kvennaliðinu bráðlega.
Hérna má sjá myndbrot úr leikjum með Dominique og ekki annað að sjá en að Stólastúlkur séu búnar að fá spennandi liðsstyrk fyrir veturinn í 1. deildinni >
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.