Zetorinn hans Sigmars í Lindabæ
Það þekkja eflaust margir til hans Sigmars Jóhannssonar í Lindabæ í Skagafirði en hann hefur haft mikinn áhuga á dráttarvélum og búminjum um langa tíð og var hans fyrsta vél Farmal Cub dráttarvél sem fylgdi bæði sláttuvél og plógur.
Í framhaldi af því fór hann að safna og varðveita fleiri vélar sem endaði, eins og margir vita, á því að hann stofnaði Búminjasafnið Lindabæ þann 28. júní
2015. Það hefur að geyma margar uppgerðar vélar sem má segja að hafi verið eins manns rusl en er í dag annars manns fjársjóður. Hér fáum við að lesa um Zetor 3511 og við hvetjum alla, sem hafa áhuga á traktorum og öllu því tengdu, að kíkja á Búminjasafnið Lindabæ. Opnunartíminn í sumar verður alla daga frá 1. júní til 20. ágúst frá kl. 13-17.
Jón Guðmundur Guðmundsson á Hofi í Hjaltadal fékk þessa vél, Zetor 3511, nýja snemma vetrar 1971. Innflytjandi var Ístékk hf. Hún var með Sekura klæðningu á öryggisgrind enda keyrði Jón vélina alla leið úr Reykjavík og norður í Skagafjörð í snjó og misjöfnu veðri, hann mun hafa gist í Borgarfirðinum. Eftir lát Jóns eignaðist Hörður, sonur hans, vélina. Hann seldi hana seinna Leó Leóssyni, bónda á Laufskálum í Hjaltadal, og Sigmar fékk vélina hjá honum. Jón S. Jónsson í Ásgarði á Dalvík kom á safnið í Lindabæ sumarið 2017, hann var þá svo hrifinn af því hvað hún var heilleg að hann kom og sótti hana í janúarbyrjun 2018 og hóf að gera hana upp. Skipt var um allt í bremsum og ýmislegt fleira, þá lét hann sprauta búkinn á henni og kom boddíhlutum og felgum í sandblástur á Akureyri en Múlatindur á Ólafsfirði sá um sprautun. Það var svo í júlí 2018 sem Jón kom með vélina til baka en þá var hann að flytja til Vopnafjarðar. Þá var búið að sprauta búkinn og felgurnar og setja ný dekk undir hana. Það var svo Sigurður Baldursson í Varmahlíð sem hjálpaði Sigmari að klára verkið sem lauk í nóvember 2018.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.