Helgargóðgætið - Góðir gersnúðar
Ég sá um daginn uppskrift af gersnúðum með yfirskriftinni "Geggjaðir heimabakaðir snúðar – miklu betri en þessir úr bakaríinu" og ég á stundum erfitt með mig þegar svona stórar staðhæfingar eru settar fram, þá var ég ekki lengi að setja í þessa uppskrift. Góðir eru þeir en ég er ekki sammála að þeir séu betri en þessir úr bakaríinu því ég er mikill aðdáandi snúðanna frá Sauðárkróksbakaríi. En fyrir þá sem vilja mjúka heimabakaða kanilsnúða þá er þessi uppskrift alveg tilvalin.
700 gr. hveiti
1 ½ tsk. salt
4 tsk. þurrger
80 gr. sykur
4 dl. volgt vatn
1 dl. jurtaolía
Kanilfylling
5 msk. sykur
5 msk. púðursykur
2 msk. kanill
Blandið þessu öllu saman í skál.
Aðferð
Setja öll þurrefnin í hrærivélaskálina og blanda saman með króknum. Síðan er bætt við öllum vökvanum og hrærið varðlega á meðan. Auka hraðann aðeins og hrærið í 5 min. Síðan er þetta látið hefast í 30 min. og rakt stykki sett yfir á meðan. Þegar þessi tími er liðinn þá er deigið tekið úr skálinni og sett á hveitistráða borðplötuna. Fletjið deigið út í góðan ferhyrning og setjið fyllinguna jafnt yfir deigið. Gott er að væta deigið undir sykrinum aðeins – ekki of mikið samt. Rúllið svo deiginu upp í lengju og lokið köntunum með þvi að pensla með vatni. Skerið í hæfilega snúða og raðið á plötuna. Þessi uppskrift er sirka 25-30 snúðar ef þeir eru skornir í 1 cm þykkt og fyllir sirka þrjár ofnplötur. Ofninn er hitaður í 50°c - undir og yfirhita. Úðið svo snúðana með volgu vatni og setjið inn. Látið hefast í ofninum í 45-50 min. Skiptið plötunum á korter fresti inn í ofninum, settu neðstu efst og svo koll af kolli. Gott að úða yfir þá þegar þú skiptir plötunum. Þegar þessi tími er liðinn þá tekur þú plöturnar út og hækkar ofninn upp í 220°c og bakar síðan snúðana í ca. 10-12 mín, fylgist vel með. Ég bakaði eina plötu í einu! Að lokum setur maður súkkulaðiglassúr ofaná þegar þeir hafa kólnað. Ég vil taka það fram að þeir eru bestir sama dag og þeir eru bakaðir, daginn eftir verða þeir pínu seigir og mæli ég þá frekar með því að frysta þá strax, án glassúr, ef þeir verða ekki borðaðir strax.
Glassúr – bara á nokkra snúða!
2 msk. flórsykri
2 ms. kakó
1 msk. mjólk eða vatn
betra er að hafa glassúrinn í þykkari kantinum
Verði ykkur að góðu
kveðja
Siggasiggasigga
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.