Hefur verið starfrækt óslitið síðan 1947
Smáframleiðendur á Norðurlandi vestra | Laugarmýri í Skagafirði
Einn af þeim framleiðendum sem hafa verið að bjóða upp á vörur sínar í bíl smáframleiðenda er Garðyrkjustöðin Laugarmýri og kannast eflaust margir við fallegu blómin þeirra sem prýða marga garðana á sumrin. En Laugarmýri er ekki bara þekkt fyrir blómin þau rækta margt fleira og má þar t.d. nefna góðu og safaríku gúrkurnar sem eru ómótstæðilegar í salatið eða bara sem snakk.
Þegar ég var lítil voru farnar ófáar ferðir í Laugarmýri yfir sumartímann því það þurfti að sjálfsögðu að fegra garðinn hennar mömmu og ekki þótti mér leiðinlegt að fara með. Það var auðvelt að gleyma sér við að skoða blóm út um allt og fylgjast með randaflugunum að verki. En svo átti ég leið á Laugarmýri fyrir nokkrum árum og þegar ég keyrði niður hlaðið helltust yfir mig gamlar minningar, því þar hafði lítið breyst, bæði lyktin og litadýrðin jafn falleg og áður.
Á Laugarmýri í Steinstaðhverfinu í Skagafirði hefur nefnilega verið starfrækt garðyrkjustöð óslitið frá árinu 1947. Stöðin er nú í eigu þriðja ættliðar og er rekið af Dagnýju Stefánsdóttur og eiginmanni hennar, Róberti Loga Jóhannessyni. Þrátt fyrir að stöðin sé smá í sniðum og húsakostur og öll aðstaða komin til ára sinna er úrvalið gríðar mikið. Stöðin ræktar og selur m.a. sumarblóm, fjölæringa, grænmeti, salat, kryddjurtir, trjáplöntur og runna en framleiðslan og úrvalið er eðlilega árstíðabundið. Dagný hefur um árabil ræktað og selt vínber, jarðarber og hindber og nú í sumar má einnig búast við brómberjum frá Laugarmýri.
Garðyrkjustöðin leggur mikið upp úr því að allt sem að ræktað er sé nýtt og hefur sú stefna leitt af sér margar skemmtilegar og girnilegar aukaafurðir. Þar má t.d. nefna grænkálssnakk, sólþurrkaða tómata, ýmiss konar pestó, þurrkuð krydd, sýróp, kryddolíur, sultur og súrsaðar gúrkur. Dagný selur afurðir garðyrkju-stöðvarinnar um allt vestanvert Norðurland, í verslunum á Sauðárkróki, Akureyri og víðar. Hún keyrir vörurnar sínar sjálf til kaupenda og hefur einnig boðið upp á vörur sínar á Facebooksíðu REKO á Norðurlandi vestra og í sölubíl smáframleiðanda ásamt netsölu á heimassíðu Biopol, vorusmidja.is. Þau eru einnig með Facebook-síðu undir heitinu Garðyrkjustöðin Laugarmýri.
Við mælum með að kíkja til þeirra og skoða allt sem þau að bjóða upp á.
Sala sumablómanna hjá þeim hófst 21. maí en frá og með 27. maí er opið alla daga vikunnar frá kl. 13-18 nema á sunnudögum, þá er opið frá 13-16.
Bíll smáframleiðenda verður á ferðinni á næstu dögum - hér að neðan má sjá auglýsingu sem birtist í Sjónhorni vikunnar
Verslum í heimabyggð!
Sigga sigga sigga
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.