Hátt í 15 ár að gera upp fyrsta bílinn
Samgöngusafnið í Stóragerði Skagafirði er staður þar sem margt rusl hefur orðið að fjársjóði en safnið, sem aldrei átti að verða safn, hefur nú verið starfrækt í 17 ár. Gunnar Kr. Þórðarson, stofnandi safnsins, sá að nokkuð ljóst væri að byggja þyrfti skemmu undir alla dýrgripina svo þeir yrðu ekki fyrir skemmdum, því mikill tími og peningar voru farnir í uppgerð á hinum ýmsu tækjum.
Hvatti þá sveitarstjórn Skagafjarðar, á þeim tíma, hann til þess að opna dyrnar fyrir gesti og gangandi sem og varð raunin þann 26. júní 2004. Þar sem mikill metnaður var kominn í Gunnar fyrir því að halda áfram að gera upp fleiri bíla og tæki þá sá hann fyrir sér að nota efri árin sín í að sinna sínu helsta áhugamáli. Gunnar lést úr MND sjúkdómnum í febrúar 2019 en í dag hafa eiginkona hans, börn og tengdabörn tekið við rekstrinum og er mikill þróttur í afkomendum hans að halda safninu gangandi í hans minningu með smá nýbreytni og nýjum gripum og vonandi stækkun á safninu í komandi framtíð.
Í þessum þætti af Eins manns rusl er annars fjarsóður langar Feyki að heyra um þann bíl sem er í raun kveikjan að öllu þessu batteríi sem safnið er í dag.
Fyrsti bíllinn sem Gunnar gerði upp er af gerðinni Ford F600 árgerð 1954 og er ástæðan fyrir valinu sú að faðir hans vann á sams konar Ford trukk þegar hann var ungur strákur. Þessir bílar voru mjög vinsælir vegavinnubílar því þeir voru með öflugri V8 toppventlavél. Í þessa uppgerð notaði Gunnar þrjár Ford bifreiðar sem fundust á Norðurlandi og tók hann yfirbygginguna með sér suður til að vinna í henni þar því hann rak bílaverkstæðið Bíltak með bróður sínum, Páli Hólm, á þeim tíma en uppgerðin byrjaði um 1980. Gunnar og fjölskylda fluttu svo norður á Sauðárkrók og var þá búið að byggja verkstæði í Stóragerði, sem stendur enn, og þar inni stóð Fordinn á meðan uppgerðin hélt áfram en með löngum hléum sökum þess að alltaf vantaði varahluti í verkið, þá var t.d mælaborðið flutt inn frá Bandaríkjunum. Uppgerðin tók þar að leiðandi langan tíma því ekki var hægt að byrja að setja bílinn saman fyrr en allt var komið. Þorvaldur á Sleitustöðum sá svo um að sprauta hann og var það gert á Sleitustöðum þar sem Gunnar lærði bifvélavirkjun. Þessi glæsilegi Ford var svo fyrsti bíllinn sem keyrði inn á safnið og fékk sitt stæði þegar safnið opnaði árið 2004.
Frá og með 23. ágúst verður eingöngu opið á safninu um helgar, laugardaga og sunnudaga, frá kl. 11-18 þar til lok september.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.